Sakkussat

FODA-mut aammalu Tunngaviusumik paasissutissanut ataatsimut oqaatsinut allattorsimaffiat

Oqaatsinut nalunaarsuiffimmi matumani FODA-mi aammalu Tunngaviusumik paasissutissani oqaatsit pingaarnerit skabelonimut ikkussuunneqarsimapput. Uani siunertaavoq taaguutinut ataatsimut paasinnissinnaanerup pilersinneqarnissaa aammalu digitalimik suliniuteqarnermi oqaatsit assigiissarneqarnissaannut suleqataaneq.

Oqaatsinut allattorsimaffik suliniummik Tunngaviusumik paasissutissanik imalimmik atuisoqartillugu qupperarneqarsinnaavoq. Oqaatsinik misissuinikkut taaguutinut assigiimmik paasinnittoqartarnissaa anguniarneqarpoq taamaaliornikkut suleqatigiinneq nukittorsarneqassaaq paasissutissallu nassuiarneqarnerini assigiissaarisoqassalluni.

Metadatanut skabelonimik atuineq

Pisortaqarfinni suliniutinilu assigiinngitsuni oqaatsinik assigiinnik atuinissap anguniarnissaannut innersuussutigineqarpoq metadatanut skabelonip tamanut atorneqarsinnaasup atorneqarnissaa. Skabeloni atorlugu taaguutit naapertuuttut ingerlatsinermi atorneqartussat assigiissarneqassapput nassuiarneqassallutillu. Assersuutigalugu Aalisarnerup, ilinniartitaanerup, peqqissutsimut assigisaannullu tunngatillugu taaguutit.

Taaguutit skabeloni atorlugu nassuiarneqarsimappata, taava atoqqinnissaat pisariinnerulissaaq aammalu soqutigisalinnut allanut – soorlu suleqatigisartakkanut datanik taakkunannga aamma atuisuusunut paasinnittaaseq siammarterneqassalluni.

Oqaatsinut allattorsimaffiat skabelonimullu iserneq

• FODA-mi oqaatsinut allattorsimaffiat aammalu tunngaviusumik paasissutissat ugguuna iserfigineqarsinnaapput: Begrebskatalog Grønland
• Taaguutinut nassuiaaniarnermi metadatanut skabelon ugguuna aaneqarsinnaavoq: Ugguuna aaguk.

Pisortaqarfinni datanut allattorsimaffimmi pisortaqarfinni datat katersorneqartussat aserfallatsaalineqartussallu takuneqarsinnaapput. Nalunaarsuiffik atorlugu pisortaqarfiit inuillu takusinnaavaat datat suut pigineqarnersut, taamaaliornikkut datat assigiinngitsutigut atoqqinneqarsinnaasarput assersuutigalugu digitalimik aaqqiissutinik nutaanik pilersitsiniarnermi aammalu misissuiniarnermi datanik ujartuinermi.

Datat tamarmik qulequtserneqarsimapput imarisaallu nassuiarneqarsimallutik. Aammattaaq takuneqarsinnaasarpoq datat kikkunnit takuneqarsinnaanersut (”tamanit”, ”killilimmik”, ”tamaniunngitsoq”). Pisortaqarfimmi datanut nalunaarsuiffimmi datanik pisariaqartitanik naammattuuinermi, datanut akisussaasuusoq pisortaqarfik attavissarlu takuneqarsinnaasarpoq soorluttaaq aamma saniatigut datat assersuutigalugu teknikkimut tunngasut takuneqarsinnaasartut.

Datanut allattorsimaffiat ingerlaavartumik nutarterneqartarpoq aammalu datanut tunngasut nutarterneqartarlutik.

Pisortaqarfiit tamanut soqutiginarsinnaasunik dataatillit FODK nalunaarsortittussatut nalunaarutigisinnaavaat.

FODK pillugu uani paasisaqarnerugit: Det Fællesoffentlige Datakatalog

Tabel 6: Pisortaqarfinni datat allattorsimaffiat (FODK) assilinera.

PITU tassaavoq pisortaqarfiit ataatsimoorussamik digitalikkut paarlaaqatigiittarfiat, datat allanut saqqummersinneqartussaatillugit atorneqartarpoq.

PITU teknikkikkut isaaviuvoq, taannalu atorlugu ilaasortat dataatitik qarasaasiaqarnermi systemerisatik atorlugit internetikkut isumannaatsumik assigiissaakkamillu paarlaassuussinnaavaat. PITU-mi datat allanut saqqummersinneqarsinnaapput, imaluunniit datat allat saqqummersitaat tassuuna pissarsiarineqarsinnaapput. Illuatungeriilli tamarmik datanik atuinissamut isumaqatigiissusioqqaassapput. Taamaaliornikkut kikkut datat sorliit pissarsiarineraat nakkutigineqarsinnaavoq.

PITU-datat saqqummersinneqartut amerliartortillugit, pisortaqarfiit akimorlugit assigiissaakkamik datat siammarterneqarsinnaaneri periarfissaaleraluttuinnassaaq.

PITU ilaasortanngornerlu pillugit uani paasisaqarnerusinnaavutit: Pitu.

FODA-mi assigiinngitsutigut tunngavissat eqqaaneqareerput. Tunngavissat assigiinngitsuupput atoqqinneqarsinnaallutillu. Maanna tunngavissat nassuiarneqaleruttorput, sulialli najoqqutassamut matumunnga naammassineqanngitsoorlutik.