Siunertaa
Nunarsuarmi qeqertat annersaanni najugaqarpugut. Avannaaniit kujataanut 2.650 kilometeriuvoq – sumiiffinni allani inuit taama imminnut avinngarusimatigisut amerlanngillat. Digitalinngortitsinikkulli nunaqarfiit illoqarfiillu akornanni ataqatigiinnerulerneq pilersinneqarpoq aamma suleqatigiinnissamut atassuteqalernissamullu periarfissat nutaat ammaanneqarlutik. Digitalinngortitsilluni allanngortitsinermi aqqummik tikkuussilluarsinnaasoq pisariaqartinneqarpoq.
Digitalinngortitsinermut Aqutsisoqarfiup anguniagaraa Kalaallit Nunaanni innuttaasut, oqartussaaffeqarfiit, suliffeqarfiillu isumannaatsumik toqqissisimanartumillu digitalinngortitsilluni allanngortitsinermi sammivimmik tikkuutissallugit aqqutissiuutissallugillu.
Suliassat pingaarnerit
- Digitalinngortitsinermut Aqutsisoqarfimmi nuna tamakkerlugu digitalimik aaqqiissutit inuiaqatigiinnut innuttaasunullu iluaqutaasut suliarineqarput.
- Digitalinngortitsinermut Aqutsisoqarfimmik pisortanut aamma suliffeqarfinnut namminersortunut cyberimipaasissutissanilu isumannaallisaanerup tunngaatigut siunnersuisarpoq, kiisalu innuttaasunut, suliffeqarfinnut, pisortanilu oqartussaaffeqarfinnut uku pillugit paasissutissiisarluni: paasissutissanik illersuineq, cyberimi paasissutissanilu isumannaallisaaneq aamma isumannaatsumik digitalimik atuineq.
- Inuit tamarmik digitalikkut ineriartortitsinermi ilaatinneqarnissaat Digitalinngortitsinermut Aqutsisoqarfiup qulakkeerpaa – innuttaasut aaqqissuussaanikkut aporfigisartagaat qanoq ittuugaluarpataluunniit
Aaqqissuussaanermi takussutissiaq
Digitalinngortitsinermut Aqutsisoqarfik Naalakkersuisunut Siulittaasup Naalakkersuisoqarfianiippoq.