Inatsit

Pisortani Allakkat Digitaliusut pillugit Inatsisartut inatsisaat naapertorlugu, Kalaallit Nunaanni pisortani oqartussaaffeqarfiit aamma innuttaasut imaluunniit suliffeqarfiit akornanni digitalikkut attaveqaqatigiinnermut sinaakkutit qulakkeerneqarput. 

Innuttaasut 15-ileereersut aamma Kalaallit Nunaanni suliffeqarfiit atassuserneqarsimassapput, immikkullu ittumik inissisimasoqartillugu pisussaajunnaarsinneqarnissamut periarfissaqartinneqarlutik. 

Atortorissaarut atorlugu pisortanit allakkanik tigusisarneq ajornaallisinneqarlunilu isumannaallisinneqarpoq, piumassutsimik pinngitsooraniluunniit atuisutut.

Pisortani Allakkat Digitaliusut pillugit Inatsisartut inatsisaat aaneqarsinnaavoq uani

Qarasaasiakkut akiliisitsisarnerup aqunneqarnera pillugu Inatsisartut inatsisaat atorlugu, pisortani oqartussaaffeqarfiit digitalimik akiliisitsisarnerit qanoq aqunneqassasut pillugit Naalakkersuisunit malittarisassaliortoqarnissaanik aalajangersaasoqarsinnaavoq. Matumani elektronikkikkut akiliisarnerit aamma pisortanit aningaasanik tigusinerit nassiussinerillu attuumassuteqartut ingerlanneqartarneri ilanngullugit pineqarput. 

Paaqqinnittarfiit imminnut pigisut, aningaasaateqarfiit peqatigiiffiillu pisortanit tapiissutisisartuuppata malittarisassanit aamma kalluarneqassapput.

Qarasaasiakkut akiliisitsisarnerup aqunneqarnera pillugu Inatsisartut inatsisaat aaneqarsinnaavoq uani

Inunnik paasissutissanik suliarinnittarneq pillugu inatsisip Kalaallit Nunaanni atuutilersinneqarnera pillugu peqqussut naapertorlugu, inunnut paasissutissat Kalaallit Nunaanni qanoq suliarineqassasut malittarisassatigut aalajangersarneqarput, aamma paasissutissanik illersuinermut inatsit naapertorlugu innuttaasut angerlarsimaffimmi inuunerannik illersuineq ilanngullugu. 

Peqqussut pisortanut namminersortunullu paasissutissanik akisussaasunut atuutsinneqarpoq inunnullu paasissutissanik isumannaatsumik toqqortaateqarnissamut, suliaqarnissamut ingerlatitseqqiinissamullu piumasaqaatinik aalajangersaasuulluni. Tamatuma saniatigut paasissutissat qaqugu qanorlu suliarineqarnissaat pillugu nassuiaatitaqarpoq, matumani malittarisassat malinneqarnissaasa qulakkeerniarnerinut Datatilsynet-ip akisussaaffia pillugu piumasaqaat ilanngullugu. Peqqussummi nalunaarsorsimasut pisinnaatitaaffii pillugit minnerpaaffiattut piumasaqaatinik aalajangersagaqarpoq.

Inunnik paasissutissanik suliarinnittarneq pillugu inatsisip Kalaallit Nunaanni atuutilersinneqarnera pillugu peqqussut aaneqarsinnaavoq uani

Qitiusumik Inuit Nalunaarsorsimaffiat pillugu inatsisip Kalaallit Nunaanni atuutilersinneqarnera pillugu peqqussut naapertorlugu, Kalaallit Nunaanni Qitiusumik Inuit Nalunaarsorsimaffianni (CPR) inunnut paasissutissat nalunaarsorneqartarnerat aalajangersarneqarput. 

Peqqussut naapertorlugu inuit Kalaallit Nunaanni najugaqartut inuttut normui najugaasalu paasissutissartaat assigineqanngitsumik nalunaarsorneri qulakkeerneqarput, taamaammat pisortani oqartussaaffeqarfiit namminersortullu attuumassuteqartut akornanni paasissutissanik eqqortumik isumannaatsumillu avitseqatigiinnissaat ajornarunnaarsinneqarpoq. 

Tamatuma saniatigut peqqussut naapertorlugu, inuit normuisa aqunneqarneri naleqqussarneqarlutillu najukkap nalunaarsornissaanut, nuunnermut aamma inunnut paasissutissat uppernarsaatiginerinut piumasaqaatit ilaatinneqarput.

Qitiusumik Inuit Nalunaarsorsimaffiat pillugu inatsisip Kalaallit Nunaanni atuutilersinneqarnera pillugu peqqussut aaneqarsinnaavoq uani

MitID aamma NemLog-in pillugit inatsisip Kalaallit Nunaanni atuutilersinneqarnera pillugu peqqussut naapertorlugu, Kalaallit Nunaanni MitID-p aamma NemLog-in-ip atorneqarnerinut malittarisassat aalajangersarneqarput. 

MitID nuna tamakkerlugu digitalimik kinaassutsimut uppernarsaataavoq elektronikkikkut innuttaasut suliffeqarfiillu digitalimik kiffartuussissutit isumannaatsumik kinaassutsimillu atuinissaannik qulakkeerinnittoq. 

NemLog-in atorlugu pisortani oqartussaaffeqarfiit ataatsimut digitalimik periuseqarneritigut kinaassusaannik atsiornissaannillu isumannaatsumik qulakkeerisuuvoq. 

Peqqussut naapertorlugu atortorissaarutit eqqortumik atorneqarnissaannik qulakkeerisuuvoq, taamaalillutik isumannaatsuuneq atuisunillu illersuineq atuutsinneqarlutik.

MitID aamma NemLog-in pillugit inatsisip Kalaallit Nunaanni atuutilersinneqarnera pillugu peqqussut aaneqarsinnaavoq uani

Center for Cybersikkerhed pillugu inatsisip Kalaallit Nunaanni atuutilersinneqarnera pillugu peqqussut naapertorlugu, Kalaallit Nunaanni qarasaasiaqarnikkut atortorissaarutit paasissutissallu inuiaqatigiinnut pingaarutillit cyberikkut saassussinernut qanoq illersorneqarnissaat pillugu aalajangersarneqarpoq. 

Pisortani oqartussaaffeqarfinni suliffeqarfinnilu centerip internettikkut kiffartuussissutaanut atassusersimasut centerimit isumannaallisaanermut tunngasortai nakkutigalugillu suliarisarpai. 

Peqqussut naapertorlugu centerimit paasissutissanik suliaqarsinnaaneq aamma cyberikkut saassussinerit pinngitsoortikkumallugit suliarinnaajumallugillu isumannaallisaanissaq qulakkeerneqarpoq, matumani innuttaasunut paasissutissat illersorneqarneri digitalikkullu attaveqaasersuutit patajaatsuunissaat isumannaatsut ilanngullugit.

Center for Cybersikkerhed pillugu inatsisip Kalaallit Nunaanni atuutilersinneqarnera pillugu peqqussut aaneqarsinnaavoq uani

Suliassaqarfik immikkut ittumik inatsiseqartinneqanngilaq. Inunnut paasissutissat pillugit aaqqiissummi nalinginnaasumik malittarisassat aamma inuit ataasiakkaat illersorneqarnerat pillugu nalinginnaasumik malittarisassat atuutsinneqarput. 

Elektronikkikkut nakkutiginninneq iluaqutsiullugu peqqissutsikkut paasissutissanik katersineq, taamaalillunilu inunnut paasissutissat pillugit aaqqiissummi paasissutissanik katersukkanik suliaqarnissamut piumasaqaammut ilaatinneqarput.