Sulisitsisut suliaallu

Erseqqissareerneqarpoq digitalinngortitsinermut suliniut teknologiiginnaanngitsoq. Aalajangiinerpaallu tassaapput inuit sulisut (immaqa aalajangiinerpaasut) suliniutip iluatsinneranut. Ikioqatigiinnermi suleqatigiilluarnermilu tatigeqatigiilluni sulinermi sulisitsisut assigiinngitsut peqqutaapput. Soorunamilu sulisitsisut pisariaqartunik pisinnaasaqartuupput.

Taamaattumik pingaaruteqarpoq aaqqissuutissallugu digitalinngortitsinermut suliniutip imarisaa, angissusaa assigiinngitsutigullu. Atorfiillu assigiinngitsut sakkussatut pingaaruteqarput. Sulisut suliassaat/piginnaasaat akisussaaffiilu imminnut naatsorsuutigisaat sulisitsisunut paasinarnerulertarput.

Sulisitsisut nalunngikkaangamikku, kikkut qanoq suliffeqarnersut, ersarissisarpoq: Kina qanoq suliva, taamaasilluni sulisitsisup qaqugumut aammalu qanoq isumaqatigiissusiussanerlutik.

Maluginiassallugu pingaaruteqarpoq sulisitsisoq amerlasuunik atuuffeqarsinnaammat, atuuffik assigiinngitsunik sulisitsisulik.

Tabel 3: Rollerne er vigtige i styring af digitaliseringsprojekter, så de forskellige aktører ved, hvad deres forventede funktion og ansvar er.

FODAp najoqqutassaani pingaartipparput sulisut nassuiaataat, pissutigalugu sulisut ersarissumik qanoq sulineri sulianut ersarissunut, akisussaaffimmik suleqatigiinnermillu tapersiimmata. Aammalu assigiinngitsunik sulisut, piginnaasai naatsorsuutaammata.

Digitalinngortitsinermut suliniutip pilersinnerani pisariaqarsimavoq aaqqissuulluassallugu, pisariaqartinneqartut sulisut kinaassusersinissaat sulisussanullu suut suliakkiutigissanerlugit pingaaruteqarsimavoq. Suleqatit soorunami aamma pisariaqartitaminnik piffissalerneqarput, suliamik naammassinissaannut.

Una aaqqissuussaq suliaalluassappat peqqissaarussamik, suliniut aallartilluareerpoq.

Tabel 2-p imarai digitalinngortitsinermut suliniutini pingaarnertut suliaqartussat. Takussutissami suliaqartussat nalinginnaasut tamakkerlutik takutinneqarsinnaanngillat, pilersuisunilu pilersuisutut taasat assigiinngitsorpassuarnik suliaqarsinnaapput (ass. ilusissatut eqqarsaatiginnittussat, ineriartortitsisussat, misilittaasussat, atuutilersitsisussat assigisaallu).

Tulliuttumilu Tabel 2 -mi sulisussat aalajangersimasut itisilerlugit nassuiarneqarput. Pilersuisut nalaanni sulisussat pingasut Tabel 2-mi taaneqartut ilanngunneqarsimapput suleqatigiinnerup paasineqarnissaa anguniarlugu. Tulliuttumilu suliasussat marluinnanngorlugit nassuiarneqarput.

Suliaqartussatit toqqakkat ukuupput:

Pisortaqarfik

Tunisassiamik piginnittut
Qarasaasiaqarnermi ilusilersuisartoq
Qarasaasiaqarnermi suliniummi aqutsisoq

Pilersuisoq

Scrum master
Pilersuisut

Tabel 2-mi suliaqartussatut nalunaarsukkat sinneri Ilanngussaq A: Suliaqartussat nassuiarneqarneri-ni nassiuarneqarput.

Suliassaq	Pingaarnertut suliassaq akisussaaffillu	Ilisarnaatit	FODA-mik atuineq
Eqimattami suligasuartussami siulittaasoq	FOP takuuk	Siunertalimmik ukkataqarneq; nalinginnaasumik digitalimik suliaqarneq ajortoq; iluaqutissanik isiginiartoq; teknikkitigut attuumassusilinniunngitsoq; iluanaarutissanik piginnittoq	Pisortaqarfinni digitalimik aaqqiissutini ilusilersuineq aalajangersimasoq atorneratigut taamaallaat iluanaartoqarsinnaasoq ilisimasarpaat	Pisortaqarfik
Eqimattami suligasuartussami suleqataasoq (Iluaqutiginnilluni piginnittussaq aammalu	FOP takuuk	Aqutsisutut inissisimalluni atuisunik sullissisoq; inatsisitigut attuumassusilinnik, atuisullu inissisimaffiinik ilisimasalik
Qarasaasiaqarnermi suliniummut ingerlatsisoq	Tigusisussat akornanni suliniummik aqutsisoq; ineriartortitsinermut ataqatigiissaarinermullu qulakkeerinnittussaq	Suliniummik ingerlatsinermut piginnaasalik; digitalinngortitsinerup iluaqutaanik misilittagalik; periutsinik ukkatalik	Digitalinngortitsinermi suliniutinut pilersaarusiornerup aqutsinerullu immikkuullarinneranik paasinnissinnaasut. Ilusilersuinermi malittarisassanut ilisimannittut
Tunisassiamut piginnittoq	Pisariaqartitanik suussusersillunilu piumasaqaatinik pingaarnersiuisoq	Pisortaqarfinnut ilisimannittoq; attaveqallaqqissoq peqataatitsisartoq; aalajangiisinnaasoq	Ilusilersuinermi, sakkussani periutsinilu tunngavissatik atorneqaqqissinnaasunillu nassaarsiortartut
Qarasaasiaqarnermi ilusilersuisoq	Ilusilersuisoq, uppernarsaasersuisoq aammalu ilusilersuisumut attaveqartoq	Qarasaasiaqarnermi ilusilersuinermut ilisimasalik, FODA-mut tunngatillugu atassusiisinnaasut ilusilersuisinnaasorlu; pisortaqarfiit pillugit tunngaviusumik	Pisortaqarfinni tunngavissat aaqqiissutinullu tunngavissat atorneqarsinnaanerinik takunnissinnaasut. Aaqqiissutini aaqqissuussinermi malittarisassanik atassusiisartut
Ingerlatsinermut akisussaasoq	Teknikkitigut ingerlatsinermut ikiuunneq aammalu systemi ilusissaalu pillugu siunnersuineq	Ingerlatsinermut periutsinullu teknikkimik ilisimasalik; assigiissaarerusullunilu patajaatsumik ingerlatserusuttoq	Digitalimik aaqqiissummik ikkussiniarnermi ingerlatsinermilu ingerlatsinermut tunngatillugu paasissutissanik ujartuisartut
Atuisoq	Ilisimasassatigut pisariaqartitanut ikiuunneq aammalu aaqqiissutip pisinnaasassaannik nassuiaaneq	Ilisimasaqarluartoq, qarasaasiaqarnermullu killilik; pissutsinut atoruminartumillu suleriusilik	Pisortaqarfinni ataatsimut ilusilersuinikkut iluanaaruteqartoqarsinnaaneranik ilisimannittut
Pingaarnertut pilersuisoq	FOP takuuk	Sullarissoq, suleqatikkuminartoq isumaqatigiissutinullu ilisimasalik. Pilersuisunut piumasaqaatinut ataatsimut isiginnissinnaasoq oqimaaqatigiissitsisinnaasorlu	Pisortaqarfinni ataatsimut ilusilersuinikkut iluanaaruteqartoqarsinnaaneranik ilisimannittut	Pilersuisoq
Scrum master	Akuerineqartumik ineriartortitsineq aammalu suleriutsini tunniussinernilu qulakkeerinninneq	Periutsinut naleqqussarsinnaasunut paasinnissinnaasoq; aaqqissuussaasumik sulisinnaasoq; aqutsillaqqillunilu attaveqallaqqissoq	Pisortaqarfinni ataatsimut ilusilersuinermik atuinermi iluanaarneq; pisortaqarfinni ataatsimut ilusilersuinissamut tunngavissiornissamullu paasinnissinnaasoq
Pilersuisut	Piumasaqaatit, atuisut pisariaqartitaat kiisalu tunngavissat atorlugit digitalimik aaqqiissummik	Teknikkimut immikkut ilisimasallit; amerlasuutigut imarisaanut paasitinneqarlutillu

Tabel 4: Digitalinngortitsinermut suliniutini suliaqartussat pingaarnerit FODA-mi aamma nassuiarneqarsimapput. Suliaqartussat ersarissarneqarsimapput FODA-milu immikkut isiginiarneqarlutik. Digitalingortitsinermi suliniutinik siammasissumik itinerusumillu aqutsinissaq ersarissarniarlugu suliaqartussat ikilisinneqarsimapput.

Tunisassiamik piginnittoq

Tunisassiamik piginnittup akisussaaffia tassaavoq digitalimik aaqqiissutip suuneranik nassuiaanissaq, suliffeqarfiup pisariaqartitaanik pingaarnersiuinissaq aammalu piumasaqatinik suliaqarnissaq. Nassuiaat taanna tunisassiamut piginnittup suliaqarneranut pingaaruteqartorujussuuvoq, tassanimi piumasaqaatit pingaarnersiorneqarneri allattorneqarsimapput.

Tunisassiamik piginnittup ineriartortitsinermi atuisut isiginiartussaavai aammalu tunisassiamik pilersuisussat aaqqiissummik suliaqarnissaannut pisariaqartitanik suussusersillutillu nassuiaasussaapput aammalu akuersisartussaalluni. Tunisassiamik piginnittoq suliffeqarfiup pilersuisullu akornanni attaveqaataavoq. Tunisassiamik piginnittoq qarasaasiaqarnermi ilusilersuisumut qanimut suleqatiginnittarpoq, qarasaasiaqarnermilu ilusilersuisup piumasaqaatinut tunngatillugu suliaqarnermi FODA-mi aaqqissuussinermi tunngavissat pillugit siunnersuisinnaavoq.

Tunisassiamik piginnittoq qarasaasiaqarnermilu ilusilersuisoq marluullutik digitalimik aaqqiissummi datat imarisassat akisussaaffigaat.

Ilisarnaatit

Tunisassiamik piginnittoq pisortaqarfimmi digitalimik aaqqiissutip sumut atornissaa ilisimavaa. Tassunga ilaavoq tunisassiamik piginnittoq inatsisitigut malittarisassanik ilisimasaqarnissaa aammalu suliassaqarfiup iluani suliaqarnermi misilittagaqarnissaa. Tunisassiamik piginnittoq pisortaqarfimmi sulianik tamanik ilisimannittariaqanngilaq, pisariaqartitsisoqartilluguli kimut saaffiginnissanerluni ilisimallugu. Tunisassiamik piginnittuttaaq digitalimik aaqqiissummi periarfissat ilisimavai taamaalilluni atornissaannut iluaqutaanissaat pinerullugu ingerlaavartumik periarfissat pingaarnersiorsinnaallugit.

Tunisassiamik piginnittoq aaqqiissummut tunngatillugu assigiinngitsutigut ilisimasaqarpoq, pissarsiarineqarsinnaavoq tunniusimallunilu. Tunisassiamik piginnittup ilisimasat piumasaqaatinut tutsissinnaavai nalilersorsinnaallugillu. Tunisassiamik piginnittup digitalimut aaqqiissummi periarfissat pillugit piumasaqaatit suussusersisinnaavai, ingerlaavartumik pingaarnersiuisinnaavoq aammalu aalajangiisinnaalluni. Tunisassiamik piginnittuttaaq atuisut peqataatinnissai pikkoriffigaa aammalu atuisut pilersuisullu akornanni paasissutissanik ingerlatitseqqiisinnaalluni.

Piginnaasat / misilittakkat

Tunisassiamik piginnittoq aaqqiissutip atuuffissaanut tunngatillugu ilisimasaqarluarpoq. Tassunga ilaapput digitalimik aaqqiissutip suliffeqarfimmut naleqarnerpaatinnissaanut tunngatillugu periarfissanik pingaarnersiuineq.

Misilittakkanut tunngatillugu pisortaqarfimmi taaguutit atorneqartut ilisimasaqarfigai kiisalu sulianik suliaqarnermi datat atorneqartussat ilisimallugit. Tunisassiamik piginnittuttaaq digitalinngortitsinermut paasinnissinnaavoq aammalu suleriutsit eqaatsit pillugit misilittagaqarsinnaalluni tassa imaappoq periarfissanut piumasaqaatinik nassuiaasinnaasoq inerisaasinnaasorlu.

Atuuffii akisussaaffiilu

Tunuliaqutaanut akisussaasoq aammalu qulakkiissallugu pilersuisut pingaarnertut periarfissanik suliaqarnissaat
Atuisut pisariaqartitaat aallaavigalugit piumasaqaatinik nassuiaallunilu pingaarnersiuisoq tunniussinernillu akuersineq
Pisariaqartitanut periarfissanullu tunngatillugu atuisut soqutigisallillu akornanni ingerlaavartumik attaveqatigiissinnaanermik qulakkeerinninneq
Digitalimik aaqqiissutip imarisaanut annertussusaanullu tunngatillugu aalajangiineq kiisalu suliniutip sinaakkutaasa iluani pingaarnersiuineq
Pilersaarusiornermi, takussutissiornermi retropectivenullu peqataaneq
Datat imarisaannut akisussaasuuneq

Tunisassiamik piginnittup FODA-mik atuinera

Tunisassiamik piginnittutut FODA atorlugu pisortaqarfinni tunngavissat (suliarineqarpoq) takusinnaavatit, tassanilu periarfissat nassuiarneqarlutillu suussusersineqarsinnaapput, tassa imaappoq digitalimik aaqqiissutinut tamanut periarfissat suussanersut, assersuutigalugu najukkamik suliffeqarfimmilluunniit ujaasineq.

Tassanittaaq datanut aallerfiit illit digitalimik aaqqiissusiannut atorsinnaasatit nassaarisinnaavatit. Datanut aallerfiit FODA-p datat allattorsimaffiat.

Tunngaviit atoqqinneratigut digitalimik aaqqiissutit assigiinngitsut akornanni ataqatigiissaarisoqassaaq, taamaalillutit illit tunisassiamik piginnittutut periarfissanik nutaanik ”nassaarsiortariaarutissaatit”. Tamannalu FODA-mi aaqqissuussinermi malittarisassanut naammassinninneruvoq.

Qarasaasiaqarnermi ilusilersuisoq

Qarasaasiaqarnermi ilusilersuisup qulakkiigassaraa digitalimik aaqqiissutip teknikkitigut patajaatsuunissaa, ataqatigiissarneqarnissaa aammalu pisortaqarfimmi qarasaasiaqarnermi inissisimaffianut naleqquttuunissaa. Digitalimik aaqqiissummik pilersitsinermi qarasaasiaqarnermi ilusilersuisoq suliffeqarfiup pisariaqartitaasa teknikkitigullu piviusunngortitsinermi ataqatigiissaarissaaq. Qarasaasiaqarnermi ilusilersuisoq ilusilersuinermi, atassusiinermi, isumannaallisaanermi teknikkitigullu assigiissaarinermi akisussaasuuvoq. Qarasaasiaqarnermi ilusilersuisoq digitalimik aaqqissummi aaqqissuussinermi anguniakkanut tunngatillugu ilusilersuinermut piumasaqaasiorsinnaavoq, qarasaasiaqarnermi ilusilersuisussarli tamatigut aaqqiissutip ilusissaanik suliaqartuuneq ajorpoq. Suliassanut tunngatillugu attuumassusillit pilersuisut suliarissagaat innersuussutaavoq. Qarasaasiaqarnermi ilusilersuisup suliffeqarfiup iluani teknikerit, avataaniit pilersuisut suliffeqarfimmiillu aallartitat qanimut suleqatigisarpai.

Ilisarnaatai

Qarasaasiaqarnermi ilusilersuisup ilisarnaatigaa misissuisinnaanini, aaqqissuussaasumik sulisinnaanini aaqqiissutissanillu isiginiagaqartarnera. Qarasaasiaqarnermik ilusilersuisut aaqqissuussinermi anguniagaq teknikkitigut ilusilersugassatut paasinartunngorlugu suliarisinnaavaa, taamaalilluni suliassaq pilersuisussanit paasineqarsinnaalertarluni. Soorluttaaq qarasaasiaqarnermi ilusilersuisup pilersuisunit teknikkitigut aaqqiissutip nassuiarneqarnera paasisinnaagaa pisortaqarfiullu iluani nassuiarsinnaagaa. Qarasaasiaqarnermut ilusilersuisoq ataatsimut isiginnissinnaassuseqarlunilu suarsunnik isiginnissinnaasarpoq, taamaalilluni suliniummi piffissami qaninnerusumi aammalu qarasaasiaqarnermi periusissiami piffissaq ungasinnerusoq isigalugu anguniagassanut oqimaaqatigiissaarisinnaalluni.

Piginnaasat/misilittakkat

Qarasaasiaqarnermik ilusilersuisoq qarasaasiaqarnermi ilusilersuisuinut, atassusiinermut systemillu ilusilersornissaannut kiisalu pisortaqarfinni ingerlatsinermut misilittagaqarluartarpoq. Soorluttaaq qarasaasiaqarnermut ilusilersuisoq sinaakkutinut naapertuuttut pitsaassutsinullu aamma ilisimasaqartoq (Ass. TOGAF, pisortaqarfimmi Aaqqissuussamik Digitalikkut ataqatigiissitsineq (FODA), ISO 27001) soorlu aamma paasissutissani isumannaallisaaneq, annikillisitsisinnaavoq governancelu ilisimasaqarfigigai kiisalu pisortaqarfimmi suliaqarniarnermi aaqqiissutinik suliaqarniarnermi teknikkitigut aalajangiisinnaaneq.

Atuuffii akisussaaffiilu

Teknikkitigut aaqqiissutit patajaatsuunissaannik, annikillisinneqarsinnaanissaannik aammalu suliffeqarfiup qarasaasiaqarnermi inissisimaffigeriigaannut ataqatigiissinneqarnissaannik qulakkeerinninneq
Digitalimik aaqqiissutip teknikkitigut periarfissatigullu piumasaqaataannik inissiisinnaaneq tassunga ilanngullugu misilittaanissamut tunngatillugulu teknikkimut attuumassusillit
Tunisassiamik piginnittunut pilersuisunullu aaqqissuussaanermi malittarisassat pillugit siunnersuineq kiisalu FODA-mi aaqqissuussinermi malittarisassat malinneqarnissaannik ingerlaavartumik qulakkeerinninneq
Attuumassuteqarfiit, atassuserfissat datallu ilusaannik nalilersuineq
Isumannaallisaanermut performancemullu tunngatillugu teknikkitigut piumasaqaatit anngunneqarnissaannut akisussaasuuneq
Tunisassiamik piginnittumut, inerisaasunut ingerlatsisussanullu ilutsinut tunngatillugu uppernarsaasersuineq paasissutissiinerlu

Qarasaasiaqarnermik ilusilersuisup FODA-mik atuinera

Qarasaasiaqarnermik ilusilersuisutut FODA atorlugu pisortaqarfinni tunngavissat (suliarineqarpoq) takusinnaavatit, tassanilu periarfissat nassuiarneqarlutillu suussusersineqarsinnaapput, tassa imaappoq digitalimik aaqqiissutinut tamanut periarfissat suussanersut, assersuutigalugu najukkamik suliffeqarfimmilluunniit ujaasineq.

Tassanittaaq datanut aallerfiit illit digitalimik aaqqiissusiannut atorsinnaasatit nassaarisinnaavatit. Paasissutissanut aallerfiit FODA-p datat allattorsimaffiat.

Tunngaviit atoqqinneratigut digitalimik aaqqiissutit assigiinngitsut akornanni ataqatigiissaarisoqassaaq, taamaalillutit illit tunisassiamik piginnittutut periarfissanik nutaanik ”nassaarsiortariaarutissaatit”. Tamannalu FODA-mi aaqqissuussinermi malittarisassanut naammassinninneruvoq.

Qarasaasiaqarnermi suliniummik aqutsisoq

Qarasaasiaqarnermi suliniummik aqutsisup ulluinnarni akisussaaffia tassaavoq suliniummi suliassanut, nukissanut tunniussassanullu tunngatillugu pilersaarusiorneq, ataqatigiissaarineq malinnaanerlu. Qarasaasiaqarnermi suliniummik aqutsisup akisussaaffigaa tunisassiamut piginnittut, qarasaasiaqarnermi ilusilersuisut, atuisut aallartitaat kiisalu pilersuisoq qanimut suleqatigalugit suliamik ingerlatsinerup qulakkeerneqarnissaa. Taassumattaaq saniatigut qarasaasiaqarnermi suliniummik aqutsisoq eqimattanut aqutsisunut nalunaarusiortarpoq.

Ilisarnaatai

Ataqatigiissaakkamik sulisinnaasoq, iliuuseqarsinnaasoq attaveqallaqqillunilu ajornartorsiutinik suliaqarsinnaasoq. Nalorninartumi sulisinnaasoq ersarissaasinnaasorlu.

Piginnaasat/misilittakkat

Suliniummik ingerlatsinermut misilittagaqarluarpoq, PRINCE2-mik assigisaannillu ingerlatsisimasinnaavoq. Qarasaasiaqarnermi ineriartortitseriaatsinik aammalu pisortaqarfinni suliariumannittussiuussinernut isumaqatigiissusiornernullu ilisimasaqarpoq. Suleqatiginnillaqqissuuvoq. Suliassat nalorninartortallit unammilligassallu ilisimasaqarfigai ingammik qarasaasiaqarnermi suliniutini, soorlu imarisaannik attassiniarnermi aqutsinermilu aammalu digitalimik aaqqiissutip annertussusaani (”scope creep”-inik pinaveersaartitsisinnaasoq), isumaqatigiissusiorfigisimasap pingajuannut atassusiinissamut aqutsineq, misileraaneq assigisaallu.

Atuuffii akisussaaffiilu

Suliniummi ingerlatsinermut ataatsimut pilersaarusiorlunilu ataqatigiissaarineq aammalu tunisassiamik piginnittut pilersuisullu peqatigalugit suliap ingerlanneqarnissaanik qulakkeerinninneq
Governancemik aaqqissuussisoq eqimattanullu aqutsisunut nalunaarusiorluni
Navianaatinik aqutsinermik, missingersuutinik nakkutiginninnermik pilersuisunillu ataqatigiissarinermik suliaqarneq
Suliaqartut soqutiginnittullu akimorlugit pisariaqartitsiffinnik allannguutinillu suliaqarneq
Suliaqartut periusissaannut akisussaaffimmik tigusinani eqaatsumik suleriuseqarnissamik periarfissaqartitsineq

Suliniummik aqutsisup FODA-mik atuinera

Qarasaasiaqarnermi suliniummik aqutsisup FODA atorlugu digitalimik aaqqiissummik ineriartortitsinermi suliniummi imarisat ineriartortinnissaannut paasinnissinnaassaaq, tassunga ilanngullugu unammilligassat navianaatillillu suunersut. Tunngavissat suliani siullernit assigiissaagaapput/atoqqitaapput, tamannalu peqqutaalluni navianaataasinnaasut annikinnerupput.

Qarasaasiaqarnermi suliniummik aqutsisumut naatsorsuutaavoq digitalimik aaqqiissut pillugu imarisaanut annertussusaanullu ilisimasaqarnissaq, kisiannili suarsuit tamakkerlugit ilisimasaqarfigineqarnissaat naatsorsuutaanani. Periarfissat annikinnerusut ilusilersuinernullu tunngatillugu aammalu aaqqissuussinermi malittarisassanut tunngatillugu qarasaasiaqarnermi suliniummik aqutsisup tunisassiap piginnittua qarasaasiaqarnermullu ilusilersuisoq suleqatigisarpai, taamaalilluni qarasaasiaqarnermi suliniummik aqutsisup suliniutip ingerlanneqarnissaa ukkatarinerusarpaa.

Scrum master (pilersuisoq)

Scrum masteri tassaavoq pilersuisuni aqutsisoq pingaarnertullu inissisimasoq. Suliassat tassaanerupput suleqatigiit suleqatigiilluarnissaannut, naammassisaqarnissaannut pitsanngorsaajuaannarnissaannullu sinaakkutinik pitsaasunik pilersitsineq. Scrum masterip sulisut periutsit eqaatsut atorlugit sulinissaannut aqqutissiuuttarpai – pingaartumik Scrumimi – tassanilu ajoqutaasinnaasut piiarnissaannut, imminut aaqqissuussinerup siuarsarnissaannut suliaqartoqartarpoq aammalu qulakkeerneqartarluni sulisut eqaatsumik periutsit naleqartitallu malillugit sulinissaat.

Ilisarnaatai

Scrum masteri suleqatigiit sullilluarsinnaasarpai. Taamatut suliaqarniaraanni inuk sulisunut paasinnissinnaasoq, soqutigisalik pisariaqartitanillu isiginnissinnaasoq pisariaqartinneqartarpoq, taassumalu tatigeqatigiinneq tarnikkullu toqqissisimaneq pilersissinnaavaa. Scrum masteri pingaarnertut periarfissarsiortitsisuuvoq, tamannalu anguneqartarpoq ataatsimiinnerit siunertallit ingerlaavartumillu eqqarsaatersornerit atorneritigut suleqatigiinnik suleqatigiilersitsineq attaveqaqatigiilersitsinerlu. Pineqartuttaaq coachitut atuuffeqarpoq, taamaalillutik sulisut suleriuutsiminnik paasinnillutillu pitsanngorsaasinnaapput, aammalu illersuisutut aamma inissisimasarpoq, taamaalilluni suliaqartussat ajoqusersorneqaratik tunniussassaminnik suliaqarnissaat periarfissaasarluni.

Piginnaasat/misilittakkat

Scrum master pikkorissoq suleriutsinik eqaatsunik paasinnissinnaassuseqartarpoq, soorlu Scrumimik aammalu Kanbanimik (ajornanngippat aamma ass. ”Certified Scrum Master”-isut (CSM) imaluunniit ”Professional Scrum Master”-isut (PSM) certifikateqarsinnaavoq). Scrum masterit ukiuni marlunni pingasuni sulisunik aqutsinermut misilittagaqartarput, scrum masteritut assigisaattulluunniit. Teknikkitigut paasinnissinnaassuseqartarput aammalu DevOps-imi periutsinik misilittagaqarneq iluaqutaasinnaasarluni, pingaarnerpaarli tassaasarpoq sulisut sulinissaannut periarfissiineq aammalu sulisut assigiinngitsut akimorlugit suleqatigiinnerup pitsanngorsarnissaa.Scrum masterittaaq sakkussat eqaatsut atornissaannut misilittagaqartariaqarpoq, soorlu Jira, Azure DevOps assigisaattulluunniit ittut aammalu suliffeqarfimmi allannguinermi suliffeqarfimmiluunniit ineriartortitsinermut tunngasunik ilisimasaqarsinnaalluni.

Atuuffii akisussaaffiilu

Scrum masterip atuuffii akisussaaffiisalu ilagaat:

Scrumeqartitsineq: Pilersaarusiorneq, ulluinnarni inissiinerit, sprint reviews aamma retrospectives
Suleqatigiit ineriartortitsinissaannut ajoqutaasunik impedimentsinik unammilligassanillu piiaaneq
Suleqatigiinni aqutsineq aammalu namminneq suliassaminnik akisussaaffimmik tigusinissaannik ikiuunneq
Scrum atorneratigut paasinninnikkullu sulisunut suliffeqarfimmullu coachitut siunnersortitullu inissisimaneq
Avataaniit soqutigisallit akornanni suleqatigiissitsineq attaveqatigiilluarnermillu pilersitsineq
Suleqatigiit ajoqusersorneqarnissaannik sprintsernermilu patajaatsumik inissisimanissaannut illersuineq
Takussutissaliinikkut, retropetiveikkut utertitsinikkullu paasinnissinnaanerup annertusarnissaa pitsanngorsaajuaannarnerlu

Scrum masterip FODAmik atuinera

Scrum masteritut FODA atorlugu pisortaqarfinni ataatsimut iluserineqartussat atorlugit, tassunga ilanngullugu aaqqissuussinermi malittarisassat sakkussallu atorneritigut FODA-mi piumasaqataasut malillugit digitalimik aaqqiissutinik suliaqarnikut, inerisaanissap aserfallatsaaliinissallu iluaqutaanissaannut piumasaqaatinik paasinnissinnaapput.

FODA atorlugu pisortaqarfinni tunngavissat (suliarineqarpoq) takusinnaavatit, tassanilu periarfissat nassuiarneqarlutillu suussusersineqarsinaapput, tassa imaappoq digitalimik aaqqiissutinut tamanut periarfissat suussanersut, assersuutigalugu najukkamik suliffeqarfimmilluunniit ujaasineq.

Tassanittaaq datanut aallerfiit illit digitalimik aaqqiissusiannut atorsinnaasatit nassaarisinnaavatit. Datanut aallerfiit FODA-p datat allattorsimaffiat.

Pilersuisussat (Pilersuisoq)

Pilersuisut akisussaaffiat tassaavoq digitalimik aaqqiissummik atorneqarsinnaasumik aammalu ingerlaavartumik inerisaanikkut atuisunut naleqalersitsisumik pilersitsillunilu tunniussinissaq. Suleqatigiit digitalimik aaqqiissummut ingerlatsisuullutillu kiffartuussisuupput.

Ilisarnaatai

Suleqatigiit assigiinngitsunik suliaqartuupput, imminnut aquttuupput suleqatigiittuullutillu. Suleqatigiit digitalimik aaqqiissutip ajoquteqarani naleqalersitsillunilu tunniunneqarnissaanut ingerlanneqarnissaannullu akisussaasuupput.

Piginnaasat/misilittakkat

Softwaremik inerisaanermik misilittagallit, UX-imi ilusilersuisartut, misileraasartut assigisaallu, taakkualu teknologit suleqatigeeriaatsillu eqaatsut ilisimasaqarfigaat. CI/CD aammalu DevOps-imik misilittagaqarneq iluaqutaasinnaavoq.
Atuuffii akisussaaffiilu

User stories tunngavigalugit periarfissanik inerisaaneq pingaarnersiuinerlu
Pilersaarusiornermut, piffissalersuinermut pitsaassutsimillu pitsanngorsaanermut peqataaneq
Tunisassiamik misileraaneq, uppernarsaasiineq piareersaanerlu
Tunisassiap piginnittuanut scrum masterimullu qanimut suleqateqarneq
Utertitsinermi peqataaneq ingerlaavartumillu suleriutsinik tunisassiamillu pitsanngorsaaneq

Pilersuisussat FODA-mik atuinissaat

Pilersuisussat FODA atorlugu pisortaqarfinni ataatsimut iluserineqartussat atorlugit, tassunga ilanngullugu aaqqissuussinermi malittarisassat sakkussallu atorneritigut FODA-mi piumasaqataasut malillugit digitalimik aaqqiissutinik suliaqarnikut, inerisaanissap aserfallatsaaliinissallu iluaqutaanissaannut piumasaqaatinik paasinnissinnaapput.

FODA atolugu pisortaqarfinni tunngavissat (suliarineqarpoq) takusinnaavatit, tassanilu periarfissat nassuiarneqarlutillu suussusersineqarsinapput, tassa imaappoq digitalimik aaqqiissutinut tamanut periarfissat suussanersut, assersuutigalugu najukkamik suliffeqarfimmilluunniit ujaasineq.

Tassanittaaq datanut aallerfiit illit digitalimik aaqqiissusiannut atorsinnaasatit nassaarisinnaavatit. Datanut aallerfiit FODA-p datat allattorsimaffiat.

Eqimattani aqutsisuni siulittaasoq

Suliniutip suliffeqarfimmut aalajangiisussanullu naleqalersinneqarnissaanik pingaarnertut akisussaasoq. Taassuma suliniutip suliffeqarfiullu anguniagaannut atassusiineq qulakkiissavaa. Eqimattat ingerlatsisussat aqussavai, aammalu ingerlatsinermut business casemut iluanaarutillu piviusunngortinnissaannut akisussaasuussalluni.

Suliarisassat pillugit FOP-imi paasisaqarnerugit

Eqimattani aqutsisuni siulittaasup FODA-mik atuinera

Eqimattani aqutsisuni siulittaasutut FODA atussavat pingaarnertut paasiniarlugu pisortaqarfinni digitalimik aaqqiissutinik suliaqarnermi qanoq ilusilersuisoqarlunilu tunngavilersuisoqassanersoq kiisalu qanoq aserfallatsaaliisoqassanersoq suullu ilua.

Eqimattani ingerlatsisuni ilaasortaq = iluanaarutinik piginnittoq = pingaarnertut atuisoq

Naggataatigut atuisussat sinnerlugit sullissisoq, taassuma qulakkeertussaavaa suliniummi atuisut pisariaqartitaat ilanngunneqarnissaat. Aalajangiinerni pingaarnerni peqataasarpoq aammalu suliniutip ingerlanneqarneranut tunniussanullu malinnaalluni uanilu atuisunut naleqalersitsisut aammalu digitalimik aaqqiissummi periarfissat / killilersuisullu isiginiartarlugit.

Suliarisassat pillugit FOP-imi paasisaqarnerugit.

Eqimattani aqutsisuni ilaasortaq (Iluanaarutinik piginnittoq = pingaarnertut atuisup FODA-mik atuinera

Eqimattani ingerlatsisuni ilaasortatut FODA atorlugu pisortaqarfinni ilusissatut tunngavigisat atorlugit digitalimik aaqqiissutinik ineriartortinneqarnerini aserfallatsaalinerinilu pingaarnertut iluanaarutit suunersut paasisaqarfigissavat kiisalu digitalimik aaqqiissutip illit iluanaarutigisassavit suliarineranut sakkussat tunngaviillu suut atorneqarnersut paasisaqarfigissallugu.

Ingerlatsinermut akisussaasoq

Digitalimik aaqqiissutini ingerlatsisut assigiinngitsuupput. Pilersuisoq ataaseq arlalinnik sullissisinnaavoq, soorlu digitalimik aaqqiissummik ineriartortitsillunilu ingerlatsisinnaavoq, taannalu namminerisamik isaavigisamini ingerlatissinnaavaa imaluunniit cloudimi (toqqorsivimmi) inissisimatissinnaallugu, taamaattumillu pisortaqarfik ingerlatsinermik pisisinnaalluni. Digitalimik aaqqiissutilli aamma sumiiffimmi ikkussuunneqarlutillu ingerlanneqarsinnaapput.

Pisumi taasami kingullermi sumiiffimmi ingerlatsinermut akisussaasup atortup atorneqarsinnaanera ingerlatarisarpaa. Taamaattoqartillugulu ingerlatsinermut akisussaasup qulakkiissavaa digitalimik aaqqiissutip suliffeqarfiup ingerlatsinermut avatangiiserisai, teknikkimik periarfissat aaqqissuussaanermilu periarfissat atorlugit ikkunneqarlunilu aqunneqarsinnaanissaa. Uppernarsaatit, isumannaallisaaneq aallallu suliffeqarfiup iluani avataanilu digitalimik aaqqiissutit kiffartuussinerlu ingerlatsilernermut ikaarsaannginnerani inissinneqareernissaat qulakkeerniarlugu ingerlatsinermut akisussaasoq siusinaartumik peqataatinneqassaaq.

Ilisarnaatai

Teknikkimik ilisimasaqartoq siumullu ungasinnerusumut isigalugu piujuartitsinermik tunngavilik. Navianaatinik ilisimasaqartoq aammalu attuumassuteqarfiusut pisariaqartinneqartullu sukumiisumik nalilersuiffigisinnaavai.

Piginnaasassai/misilittagai

Qarasaasiaqarnermi ingerlatsinermi, systemimik aqutsinermi imaluunniit qarasaasiaqarnermi aaqqissuussinermi misilittagaqarneq. Suliffeqarfiup teknikkitigut inissisimaffianik governancemullu piumasaqaatigineqartunut (soorlu paasissutissanut isumannaallisaanermut, ISO 27001, NIS2, GDPR) ilisimasaqarneq.

Atuuffii akisussaaffiilu

Aaqqiissutip inerisarneqartup atorneqarsinnaanissaa ajunngitsumillu ingerlanneqarsinnaanissaa qulakkiissavaa
Ingerlatsinermut, isumannaallisaanermut, nakkutilliinermut kiffartuussinermullu piumasaqaatit nassuiassavai
Suliniutip aallartinneraniit atuutilernissaanut pilersaarusiornermi peqataassaaq
Ingerlatsinermi teknikkimut tunngatillugu aalajangigassanut qarasaasiaqarnermi aaqqissuisumik tunisassiamullu piginnittumik suleqateqarneq
Atortut nutaat atulerneratigut ingerlatsinermi sunniutinik nalilersuineq

Ingerlatsinermut akisussaasut FODA-mik atuineri

Ingerlatsinermut akisussaasutut FODA atorlugu digitalimik aaqqiissutip sumiiffimmi atulersinneqarnissaanut aammalu ingerlanneqarnissaanut tunngatillugu paasissutissanik pissarsisinnaavutit.

Pilersuisut pingaarnerit

Pilersuisut pingaarnerit akisussaaffii tassaapput pisiat tamakkiisumik suliniummut tunniunneqarnissaat, pitsaassusissaat aammalu suliarineqarnissaat kiisalu siunertaqarluartumik oqaloqatigiittoqarnissaa isumaqatigiissutillu malinneqarnissaat akisussaaffigalugu.

Pilersuisut pingaarnerit naapertuuttumik, suleqatiginnittumik isumaqatigiissummullu ilisimaarinnillutik sulissapput. Ataatsimut isiginnissapput aammalu tunniussinissamut piumasaqaatit pisortaqarfinnut naleqqunnissaat oqimaaqatigiissassallugu.

Pilersuisut pingaarnerit pisortaqarfinnut tuniniaanermut aammalu digitalimik aaqqiissutinik pisariusunik suliaqarnermik siammasissumik misilittagaqarput. Tassunga tunngatillugu isumaqatigiissutinik aqutsinernut ineriartortitsinernullu ilisimasaqarluarput.

Atuuffii akisussaaffiilu

Suliniummi pilersuisut suliassaasa ataatsimut suliarineqarnissaat aqussavaat
Aqutsisut attaveqaataanni peqataassaaq aammalu isumaqatigiissutit pilersaarutillu malillugit tunniussisoqarnissaa qulakkiissallugu
Pilersuisut tungaanniit atortussat piginnaasassallu tunniunneqarnissaat qulakkiissavaa
Killiffik navianaataasinnaasullu pillugit pisortaqarfimmut nalunaaruteqassaaq
Allannguutit suliaqarnerillu peqataaffigissavai

Pilersuisut pingaarnerit FODA-mik atuineri

Pisortaqarfiit ataatsimut aaqqissuussaanikkut sinaakkutiginiagaat,tunngaviginiagaat tunngavigalugu digitalimik aaqqiissutinik inerisaanermi ataavartitsinermiluunniit iluaqutaasussamik suliaqarniarnermi pisortaqarfiit piumasaat suunersut paasiniarlugu pilersuisutut pingaarnertut FODA atussavat, taamaaliornikkut aaqqiissut neqeroorutaasoq FODAp piumasaqaatai malillugit suliarineqarnissaa qulakkeerneqassaaq.

FODA pillugu apeqqutissaqaruit uunga allassinnaavutit: foda@nanoq.gl

FODA-mut atatillugu najoqqutassiamik suliaqartoqarsimavoq, paasissutissallu allakkiamut ataatsimut katersorneqarsimapput. Najoqqutassiaq ugguuna aaguk.