FODA-mi pingaarnerit

FODA-p siunertaa aallaqqaasiummi nassuiarneqarsimavoq, taannalu tassa Kalaallit Nunaanni digitalimik ataqatigiinnerunissamik takorluugaqarneq. Immikkoortumi matumani FODA-mi pingaarnerit itisilerlugit nassuiarneqassapput.

Immikkoortutut aaqqissuussinermi siunertanut, inatsisinut, periusissanut, sakkussanut aammalu digitalimik tunngavissanut assigisaannullu tunngassuteqarput, taakkualu digitalinngoriartornerup atuutilersikkiartuaarnissaannut iluaqutaassapput.

Oqaatigineqareersutut FODA annikitsuinnarmik imaqarpoq. Taakkualu imminnut qanoq ataqatigiinnersut takussutissiami ataaniittumi takuneqarsinnaapput:

Figur 5: Pisortaqarfinni Aaqqissuussaasumik Digitalikkut Ataqatigiissitsinerup (FODAp) aaqqissuussaanera.

Vision

FODAp takorluugaa (aallaqqaasiinermi allagaq:

FODAp takorluugaa

”Pisortaqarfinni Aaqqissuussaasumik Digitalikkut Ataqatigiissitsineq (FODA) pilersippaa digitalikkut Kalaallit Nunaat ataqatigiinnerusoq. FODA tunngaviuvoq digitalimik ineriartortitsinermik tapersiillunilu naammassiuminarsaavoq digitalinngortitsiartuaarnerup ingerlaneranik, pisortaqarfiit akimorlugit paasissutissanik avitseqatigiinneq.”

Nuna tamakkerlugu digitalinngortitsinermut periusissiami anguniakkat aammalu pisortaqarfinni suleqatigiiffiit kiisalu Kalaallit Nunaata siunissami digitalimut tunngatillugu kissaatigisai aallaavigalugit takorluugaq inissinneqarsimavoq.

Aaqqissuussinermi siunertaq

FODA pingaarnertut aaqqissuussinermi sisamanik siunertaqarpoq, taakkualu takorluukkamut pingaarnermut aammalu digitalinngortitsinermut periusissiamut tapersiisuupput.

FODA-p aaqqissuussinermi siunertaa

IT ataqatigiissoq: Pisortaqarfiit akimorlugit IT-qarnermi atortut ataqatigiissut atornerisigut innuttaasut pisortaqarfiillu paasissutissat assigiit ikkussuuttaqattaassanngilaat. Pisariinnerussaaq, ineriartornissamut periarfissaqarnerussaaq, digitalimik aaqqiissutinik pisiniarneq oqinnerulissaaq aammalu pisortaqarfiit akimorlugit suleqatigiissinnaaneq pitsanngussalluni. FODA-mi digitalimik suleriutsit assigiissarneqarnissaat anguniarneqarpoq, taamaaliornikkummi aaqqiissutit ineriartortinneqarnissaat atuutilersinneqarnissaallu pisariinnerulissammat.

Paasissutissaq naleqartillugu isumalluutigalugulu: Pisortaqarfinni sulianik suliaqarnermi pigisat nalitunerpaat tassaapput datat. Taamaattumik datat inatsisit sinaakkutaasut atorlugit pissarsiarineqarsinnaassapput aammalu atorneqarsinnaasassapput kiisalu pisortaqarfinni ataatsimoorussiffiusuni atoqqinneqarsinnaasassallutik.

Suleqatigiinneq nukittooq: Datat, misilittakkat periuutsillu pitsaasut pisortaqarfiit akimorlugit siammarternerisigut atoqqinnerisigullu pisortaqarfiit akornanni suleqatigiinneq nukittorsarneqassaaq. Taamaaliornikkut digitalimik aaqqiissutit ataqatigiissaarneqarnerussapput naleqarnerulerlutillu. Taamaattumik pisortaqarfiit akimorlugit pitsaasumik tatiginneqatigiiffiusumillu suleqatigiinneq pilersinneqassaaq.

Nunat pingajuat isumannaatsoq: Nunat isumaqatigiiffiusut avataanni aaqqissuussaanikkut isumannaallisaanerup atulersinneratigut nunatut isumannaatsutut isigineqalernissamut anguniagaq FODAp tapersersorpaa. Tassunga aamma ilaapput isumannaatsumik datanik siammarterineq aammalu pisortaqarfiit akimorlugit pilersuiniarnermi toqqissisimatitsineq.

Takussutissaq 6 FODA-mi aaqqissuussinermi anguniakkat

Sammisat

FODA ineriartortuaannartuuvoq, massakkumullu sammisat pingaarnerit aallaavigalugit aaqqissuussinermi malittarisassat sakkussallu tunngavigineqarlutik:

Datat: Siammarterineq atoqqiinerlu
Pisiniarneq: Ataqatigiissoq paasiuminartorlu
Suleqatigiinneq: Ataqatigiissaagaq ataatsimoorussarlu

Taakkuupput pisortaqarfinni sammisassatut pingaarnerpaatut taasat, taakkualu FODAp ineriartortinneqarnissaannut sinaakkusiisuullutik.

Saqqummersitsinermi siullermi ”Datat: Siammarterineq atoqqiinerlu” isiginiarneqarnerupput. Sammisallu sinneri ingerlaavartumik ineriartortinneqarlutillu atulersikkiartorneqassapput.

Data: Del og genbrug

Digitalimik aaqqiissutini paasissutissat pingaarnerpaapput, taamaattumik taanna FODA-mi inerisagassani isiginiarneqartussani siulliuvoq.

Sammisamut ataatsimut isigalugu periuserineqartussat tassaavoq:

Datat: Siammarterineq atoqqiinerlu

Datat atortuupput, taakkualu siammarterneqarnerisigut atorneqarnerisigullu innuttaasunut, suliffeqarfinnut pisortaqarfinnullu naleqalersitsipput aammalu pisortaqarfiit ataatsimut ataqatigiinnerulersinneqarlutik.

Taaguutit paasissutissallu aassigiissaakkamik nassuiarneqarput, taamaalillutik inatsisit tunngaviusut inuillu paasissutissaaataat pillugit illersuinermi sinaakkutit atorlugit siunertamut eqqortumut siammarterneqarsinnaallutillu atoqqinneqarsinnaallutik.

Aaqqissuussinermi malitassat pingasut:

Pisiniarneq: Ataqatigiissoq paasiuminartorlu

Suliarineqarpoq, saqqummertussami tulliuttumi nassuiarneqarumaarpoq.

Suleqatigiinneq: ataqatigiissaagaq ataatsimoorussarlu

Suliarineqarpoq, saqqummertussami tulliuttumi nassuiarneqarumaarpoq.

FODA pillugu apeqqutissaqaruit uunga allassinnaavutit: foda@nanoq.gl

FODA-mut atatillugu najoqqutassiamik suliaqartoqarsimavoq, paasissutissallu allakkiamut ataatsimut katersorneqarsimapput. Najoqqutassiaq ugguuna aaguk.