Nalorninartut pillugit aqutsineq

Nalorninartut pillugit aqutsineq aaqqissuulluakkamik ingerlariaasaavoq suliffeqarfinnut ikorfartuisoq, suliffeqarfiit anguniagassaasa anguniarnissaannut suliaasalu illersornissaannut sunniuteqarsinnaasunut tunngatillugu nalorninartut sumiissusersiornissaannik, naliliiffiginissaannut isumaginissaannullu ikiuutaasartoq. Cyberimi paasissutissanilu isumannaallisaanermut atatillugu nalorninartut pillugit aqutsineq tassaavoq paasissutissanik atortorissaarutinillu ajortumeerinianut isertuussaannik, tutsuiginassusaannik tikinneqarsinnaassutsimullu tunngatillugu illersuinermut tunngassuteqartoq.

Nalorninartunik nalilersuineq suua?

Nalorninartunik nalilersuineq nalorninartunik aqutsinerup ingerlarnganut pingaaruteqartuuvoq, tassanimi suliffeqarfiup nalorninartut paasissutissani isumannaallisaanerannut sunniuteqarsinnaasut sumiissusersisarlugillu nalilersuiffigisarmatigit, aamma taamatut naliliinerit tunngavigalugit nalorninartut suut akuerineqassasut suullu isumagisariaqartut aalajangiiffigineqartassammata.

Nalorninartunik aqutsineq ISO-27001/2-mi immikkoortuuvoq qitiutinneqartoq, tassami malittarisassat naapertorlugit suliffeqarfiit akulikitsumik nalorninartunik nalilersuillutillu inernerit atorlugit paasissutissani isumannaallisaanermut pilersaarutinik suliaqassammata atuinnarsinnaanerinullu suliaqarnissaannut atussallugit.
Taamaattumik nalorninartunik aqutsineq oqartussaaffeqarfinni tamani paasissutissani isumannaallisaanerup suliarinerani qitiusutut inissisimalluinnartariaqarpoq.

Akulikitsumik nalorninartunik nalilersuineq ataavartumik ingerlanneqartariaqarpoq. Tamatuma saniatigut suliffeqarfimmi qaffasissutsit tamarmik akuutinneqartariaqarput, ilaatigut paasissutissani isumannaallisaanermut paasinnittut tunniussaqartullu tamaasa eqqarsaatigalugit.

Attavissaq

Cyberimi Paasissutissanilu isumannaallisaanermut Immikkoortortaqarfimmut apeqqutissaqaruit allassinnaavutit uunga infosikkerhed@nanoq.gl