Nuna tamakkerlugu Digitalinngortitsinermik periusissiaq 2024-2028 naapertorlugu, Digitalinngortitsinermut Aqutsisoqarfik Kalaallit Nunaanni cyberimik paasissutissanilu isumannaallisaanermut atatillugu innuttaasunut suliffeqarfinnullu akisussaaffigisai tassaapput:
Ullutsinni digitalikkut ajortumeeriniarfiujuartumi innuttaasut suliffeqarfiillu cyberimik isumannaallisaaneq pillugu tutsuiginartunik paasissutissiiffigineqarnissaat pingaaruteqarluinnartuuvoq. Nittartagaq ulluinnarni qularnaatsumik nittartakkatigut periuseqarsinnaanermut siunnersuutinik ilitsersuutinillu katersuutsitsiffiusoq, inunnut paasissutissaatiminnik niuernermilu paasissutissaatiminnik illersuerusuttunut sakkussaavoq pingaaruteqarluinnartoq.
Digitalikkut kiffartuussissutit ulluinnarni pinngitsoorsinnaanngisavut amerliartortillugit, cyberimik ajortumeerinianut, paasissutissanik tillinnianut kinaassutsimillu pinerliinianut qanoq qularnaatsumik isumannaarnissatsinnut paasisavut annertusiartortariaqarput. Nittartakkatigut matumuuna pisariaqartitat pissarsiarineqassapput ilaatigut sillimaniarnermut paasissutissat pissarsiareriaannaaneritigut digitalimillu ileqqut pitsaasukkut, taamaalillutik innuttaasut suliffeqarfiillu digitalimi toqqissisimanartumik isumannaatsumillu atuisinnaaniassammata.
Digitalinngortitsigaluttuinnarnermi innuttaasut isumannaallisaanikkut nalorninartumeeratarneruleraluttuinnarsinnaapput, soorlu inuttut paasissutissanik salloqittaariarnerit digitalikkullu ajortumeeriniarluni linkit salloqittaatit kakkiussallu e-mailikkut nassiussuunneqartartut inoqatinullu attaveqaatini ikkunneqartartut.
Digitalikkut ajortumeeriniarnerit pillugit paasisimasaqarnerulernissaq Naalakkersuisut anguniarpaat, ulluinnarnilu paasisat, ilitsersuinerit sakkussallu sukumiisut iluaqutsiullugit, innuttaasut tamarmik eqqumaffigilissagaat sumi qanorlu digitali isumannaatsoq angussaneripput.
Attavissaq
Cyberimi Paasissutissanilu isumannaallisaanermut Immikkoortortaqarfimmut apeqqutissaqaruit allassinnaavutit uunga infosikkerhed@nanoq.gl