Paasissutissani isumannaallisaanermut malittarisassanik atuutilersitsinermut tunngatillugu Digitalinngortitsinermut Aqutsisoqarfiup kommunit ikiussavai, siunnersuinissamullu piareersimasuussalluni.
Digitalinngortitsinermut Aqutsisoqarfik aamma akit tunniussinerlu naapertuunnissaat siunertaralugu, avataanut pisiniartoqassappat ikiuinissamut sillimasuussaaq.
Danmarkimi Kommunit Nuna Tamakkerlugu Kattuffiat Teknikkikkut Minnerpaaffiliinissamut piumasaqaatit Danmarkimi kommuninut naapertuuttunngortillugu naleqqussarnikuuai, kommuninilu innuttaasunut qanimut attaveqarneq ilanngullugu. Innersuussutit pitsaanerpaamik suliaqarneq aallaavigalugu pilersinneqarnikuupput, taamaattumillu kommunimi teknikkikkut isumannaallisaatinik atuutilersitsineq eqqarsaatigalugu innersuussutit taakku taamatut paasineqarnissaat innersuunnarpoq.
KL-imi teknikkikkut minnerpaaffittut piumasaqaatit atuarsinnaavatit uani (qallunaatuinnaq allaqqavoq)