MitID

MitID illit digitalimik kinaassutsimut uppernarsaatigivat nittartakkatigut toqqissisimanartumik atuinissannut qulakkeerinneqataasoq. Allatut oqaatigalugu, MitID digitalimik kinaassutsinnut uppernarsaataavoq illiuninnik uppernarsaasuusoq. Illiunerit uppernarsarniarlugu MitID atortassavat, assersuutigalugu Allakkat Digitaliusut (e-Boks), netbank imaluunniit sullissivik.gl-imi imminut sullississutit atorniaraangakkit.

Innuttaasut namminneq inuttut MitID-tik atortassavaat, suliffeqarfiit oqartussaaffeqarfiillu Suliffeqarfiutilimmut MitID atortassallugu.

Digitaliseringsstyrelsen Danmarkimiittoq MitID aamma Suliffeqarfiutilimmut MitID pillugit paasissutissanut akisussaasuuvoq. Kommunit innuttaasut inuttut namminneq MitID-erisaannut tunngatillugu ikiuisarnissaminnut akisussaaffeqarput.

Innuttaasunut

Illit MitID-it nammineq pigivat. Taanna ilinnut digitalimik imminut sullississutit qaqugukkulluuunniit atuinissaannut periarfissiivoq. Assersuutigalugu sulinerup kingorna kommunimut bankimulluunniit ornigutinngikkaluarlutit nuunnermik nalunaarniaruit imaluunniit bankkontot takuniarukku atorrsinnaavat. MitID atorlugu digitalimik isumannaannerpaamik assigiinngitsunik suliaqarsinnaanissat, suliffeqarfiit oqartussallu kiffartuussinertik ilinnut annerulersippaat.

MitID pillugu paasissutissat sullissivik.gl-imi atuarsinnaavatit. Tassani ilaatigut inuttut nammineq MitID-it qanoq pissarsiarisinnaaneriit kiisalu qanoq atorsinnaaneriit allaqqapput.

Suliffeqarfinnut

Suliffeqarfiit MitID atussagunikku, Suliffeqarfiutilimmut MitID atussavaat. Suliffeqarfiutilimmut MitID atorlugu suliffeqarfik sinnerlugu iliuuseqarnissaq ajornaanneruvoq, periarfissanillu digitaliusunik allanik ammaassilluni.

Suliffeqarfiutilimmut MitID pillugu paasissutissat sullissivik.gl-imi atuarsinnaavatit.

Oqartussanut

Oqartussanit MitID atussagunikku, Suliffeqarfiutilimmut MitID atussavaat. Suliffeqarfiutilimmut MitID atorlugu oqartussaqarfik sinnerlugu iliuuseqarnissaq ajornaanneruvoq, periarfissanillu digitaliusunik allanik ammaassilluni. Suliffeqarfiutilimmut MitID pillugu paasissutissat sullissivik.gl-imi atuarsinnaavatit.

Tamatuma saniatigut pisortat digitalimik aaqqiissutaanni MitID atorlugu isernissamut periutsitut piumasaqaataasoq oqartussaaffeqarfinniit eqqumaffigineqassaaq. Tamanna pillugu paasissutissat annertunerusut atuarneqarsinnaapput quppernermi uani “Pisortat aaqqiissutaanni isernissamut periuseq”.

Kommuninit eqqumaffigineqassaartaaq MitID aamma NemLog-in pillugit inatsit naapertorlugu, Danmarkimi Digitalinngortitsinermut Aqutsisoqarfiat sinnerlugu MitID-mut nalunaarsuiffittut atuuffik tigummissammassuk. Tamanna qanoq isumaqarnersoq pillugu paasissutissat annertunerusut atuarneqarsinnaapput uani “Kommunit suliassaat”.

Paasissutissat atuakkit

Innuttaasut MitID pillugu paasissutissat sullissivik.gl-ip innuttaasunut qupperneranni atuarsinnaavaat, suliffeqarfiillu Suliffeqarfiutilimmut MitID pillugu paasissutissat sullissivik.gl-ip suliffeqarfiutilimmut qupperneranni atuarsinnaallugit.

MitID aamma Suliffeqarfiutilimmut MitID Danmarkimittaaq atorneqarput. Aaqqiissutit pillugit paasissutissat annertunerusut atuarneqarsinnaapput uani www.mitid.dk (qallunaatuinnaq tuluttuinnarlu allaqqapput)

MitID support Danmarkimiittoq attavigineqarsinnaavoq oqarasuaatikkut +45 33980010 imaluunniit nittartakkakkut support-mitid.digst.dk aqqutigalugu. Malugiuk MitID supportimut Danmarkimiittumut attaveqarneq qallunaatut pissammat.

Attavissaq

Oqarasuaatikkut attaveqarsinnaavutit piffissani ukunani:

Ataasinngornermiit tallimanngornermut nal. 04.00-16.00 (Kalaallit Nunaata nalunaaqutaa malillugu)
Arfininngorneq, sapaat nalliuttunilu nal. 06.00-12.00 (Kalaallit Nunaata nalunaaqutaa malillugu)

Kommunerisanni MitID pillugu ikiuisoqartarpat, najukkanni innuttaasunut sullissivimmut aamma saaffiginnissinnaavutit.