Kommunit suliassaat

Kommunit MitID-mik nalunaarsuiffittut suliassaat

MitID aamma NemLog-in pillugit inatsit naapertorlugu, Danmarkimi Digitalingsstyrelsen sinnerlugu MitID-mut nalunaarsuiffittut kommunit atuutissapput. Tassa imaappoq ilissi kommunitut innuttaasut MitID-taartissinnaanissaat MitID-lu pillugu ikiortariaappata ikiortarnissaat isumagisassarigissi. Kommunit innuttaasunut sullissiviini tamani innuttaasunut MitID-taartitsisinnaasunik sulisoqassaaq, MitID-lu pillugu innuttaasunik ikiuussinnaasoqassalluni. Malugiuk najugaqarfimmi mikinerusuni MitID-taartitsinissamut periarfissamik aaqqiissuteqartoqarnikuummat, najugaqarfimmi mikinerusumi kommunimi sulisoq nammineerluni innuttaasumut MitID-taartitsinissaminut periarfissaqanngikkaluarpalluunniit. Kommunimi sorlermiluunniit aaqqiissut tamanna atorneqarsinnaavoq.

MitID-mut qanoq ilillusi nalunaarsuiffinngussavisi?

MitID-mut nalunaarsuiffiulernissamut piumasaqaatit kommuninit eqquutsinneqassapput. Tamanna ilaatigut ima isumaqarpoq, kukkunersiuisumit attuumassuteqanngitsumit ukiumoortumik kukkunersiuinermik nalunaarusiortoqartassasoq, taannalu MitID-mik aaqqiissummik pisiortorfimmut NETS A/S-imut nassiunneqarluni akuerisassanngortinneqartassasoq. Kukkunersiuinermi nalunaarusiaq amigaateqartoqarneranik uparuaappat, nalunaarusiaq NETS-imit akuerineqarsinnaanngilaq. Taamaattoqartillugu kommuunit innuttaasunut MitID-taartitsisinnaanerminnut allatigulluunniit MitID-ip atortarneranut tunngatillugu innuttaasunut ikiuisarnerminnut pisinnaatitaaffimminnik arsaagaasinnaapput. Taamaattoqartillugu innuttaasut eqqugaassapput, tassami assersuutigalugu inatsit malillugu innuttaasutut allakkat digitaliusut alakkartertarnissaat pisussaaffigineqarmat.

Kukkunersiuinermik nalunaarusiap saniatigut, kommunit MitID-taartitsinissamut ilinniarsimasunik sulisoqarnissartik kiisalu kommuunip nalunaarsuiffiata aqunneqarsinnaanissaanut suliarinnissinnasunik sulisoqarnissaq isumagissavaat.

Paasissutissat atuakkit

MitID-mik nalunaarsuiffik pillugu paasissutissat annertunerusut atuarneqarsinnaapput uani www.mitid.dk/ra (qallunaatuinnaq tuluttuinnarlu allaqqapput)

Attavissaq

Una toorlugu attaveqarfissat nassaarikkit. Malugiuk saaffiginnissuteqarneq qallunaatuinnaq pissammat.