MitID aamma NemLog-in pillugit inatsit naapertorlugu, pisortani oqartussaaffeqarfiit aamma pisortani suliffiit innuttaasunut suliffeqarfinnullu digitalimik aaqqiissutinik periarfissaqartitsisut, MitID-mik aaqqiissut atussavaat. Naatsumik oqaatigalugu; oqartussaaffeqarfittut innuttaasunut imaluunniit suliffeqarfinnut sammititamik imminut sullississutit pigigussigit, innuttaasutut imaluunniit suliffeqarfittut iserniaraanni MitID atorlugu isernissaq piumasaqaataavoq. Taamaaliussaasi digitalimik imminut sullississutaatissi MitID brokeren NemLog-in3-mut atassuserneratigut.
Pisortani oqartussaaffeqarfiit imaluunniit pisortani suliffiit tamarmik imminut sullississutit pigisamik MitID brokeren NemLog-in3-mut atassusertinnissaannut akisussaaffeqarput. Taamaattumik aamma pisiortorfigisartagassi atassusiiniarnermik ikiuuttussap attaveqarfiginissaanut akisussaaffigaarsi. Tamatuma saniatigut aamma tamatumunnga atatillugu, aningaasartuutaasinnaasut tamaasa akilernissaat nammineq isumagissavarsi.
Digitaliseringsstyrelse Danmarkimiittoq pisortani oqartussaaffeqarfinnut aamma pisortani suliffinnut taakkualu pisiortortarfiinut ilitsersuusiornikuuvoq. Ilitsersuutit Digitaliseringsstyrelsenip Danmarkimiittup NemLong-in-imut nittartagaaniipput (qallunaatuinnaq tuluttuinnarlu allaqqapput).