Suliassamut nassuiaanerup siunertaa: Kalaallit Nunaanni namminersorluni inuussutissarsiuteqartut nalunaarsorsimaffiat (matuma kingorna GER-mik taaneqartartussaq) atorunnaarsikkiartorneqassasoq
Inuussutissarsiuteqartunit, oqartussanit peqatigiiffinnillu nalunaarsuineq siunissami suliffeqarfiit pillugit qitiusumik nalunaarsuiffimmut, CVR-mut nalunaarsorneqartalissasut.
Suliniummik piginnittoq: DIA
Aqutsisoqatigiit siulittaasuat: Peter Hansen, 346204,
peter@nanoq.gl
Aqutsisoqatigiit: Kim Neumann (akileraarusiisarnermut aqutsisoqarfik), Tina Jensen (Inuussutissarsiornermut il.il. Naalakkersuisoqarfik), Ole Peter (KANUKOKA), Anders Blåbjerg (Naatsorsueqqissaartarfik), Jørn Isaksen (Aalisarnermut, Piniarnermut Nunalerinermullu), kommunit, ? (Siulersuisunut allattoqarfik), Dorte Bøge Sørensen (Digitaliseriinermut Aqutsisoqarfik)
Suliniummik piginnittoq: Asbjørn Andersen, 0045 9393 6070 mail:
asan@nanoq.gl
Suliniutip aallartinnera taamaatinnera: 01.01.2013 – 01.05.2016
Ingerlatsinerup killiffia: Ulloq: 09.06.2014
Allaaserinera: Naalakkersuisut inassutaat sapaatip akunnerini 5-ni tusarniaassutigineqarluni nassiunneqarpoq. Tusarniaanerup naammassinerata kingorna inassut aaqqissuunneqassaaq, matumalu kingorna politikkikkut suliarineqartussanngorlugu nassiunneqarluni, 2014-imi juulip qeqqata missaani ilimagineqarpoq
Allagartat uppernarsaatit atugassanngortitat: Suliassap nassuiarnera, Business Case, Inaarutaasumik nalunaarusiaq
Nunatsinni Suliffiutilinnik Nalunaarsuiffik, GER, ulluinnarni nalunaarsuiffigineqarnermigut suliffeqarfiit assigiinngitsut allattorneqarfigivaat. Taamatut nalunaarsuisarnikkut aqqutissiuunneqartarpoq nunatsinni suliffeqarfiit aammalu pisortat akornanni sullisseqatigiinnerit allattorneqartarnerat, tamatumani pingaaruteqarnerpaalluni Akileraartarnermut Aqutsisoqarfiup IT-mut atortuinut tunngasuni.
GER-imut nalunaarsuiniarluni IT-mut atortoq 1999-imi ineriartortinneqarpoq teknikkikkut paasissutissanillu toqqammaviusunik nalunaarsuivigissallugu piffissamut naleqqukkunnaarsimalluni. Oqartussat nunanik allanik suleqateqarniarnerminni allaffissornikkut aporfeqartarput, ingerlatseqatigiiffiillu nunani allani niuffaffinnut iserniarnerminni unammilleqatigiinnermi allaffissornermilu unammilligassaqartarlutik. Taamaammat isumaqatigiissutigineqarpoq CVR-imik atuiniarluni nuunnermi allaffissornikkut aningaasartuutit millisinneqassasut, ingerlatseqatigiiffiit sulinerat eqqaallisinneqassasoq digitalinillu sullissinerit eqqarsaatigalugit ntaanik periarfissaqalissasoq, soorlu CPR inuit normuinut nalunaarsuisarneq ullumik taamaareersoq.
Uani inassuteqaammi aaqqiissutissat allat nalilersorneqarsimapput, soorlu Savalimmiormiut V-register-iat, Norgemiut Brønnøysundregister-iat taakkuli CVR assiginagu oqartussat nunani allani nalunaarsuiffinnik paarlaasseqatigiinnissamut unammilligassat naammassisinnaanngilaat ingerlatseqatigiiffiilluunniit unammillerneq allaffissornerlu eqqarsaatigalugit ajornartorsiutit aaqqiissuteqarfigisinnaanagit.
Nunatsinni GER-normut allattorneqarsimasut Inuussutissarsiornermut aqutsisoqarfimmit normulersuisarnerni CVR-inut ikkussuunneqartarput. Ingerlatseqatigiiffiit (A/S aamma ApS) Inuussutissarsiornermut Aqutsisoqarfimmi Ingerlatseqatigiiffiit pillugit nalunaarsuiffimmi ullumikkut nalunaarsorneqartarput, kisianni CVR-normumik tunineqaratik, taannalu digitalikkut sullissinernut arlaqartunut atorneqartarpoq. CVR-imut tunniussisalernissamut ikaarsaariarnermi ingerlatseqatigiiffiit, suliffeqarfiit oqartussallu CVR-normunik tunineqartalissapput. CVR-imik tunniussinerup kinguneranik assersuutigalugu peqqinnissaqarfimmi oqartussat innuttaasut peqqissutsimut paasissutissaataannut pingaarutilinnut qallunaat nalunaarsuiffianniittunut sukkasuumik attaveqarsinnaalissapput, Akileraartarnermullu Aqutsisoqarfik nunap karsiata isertitassai sukkanerusumik qularnaarniarlugit akilersuinermik unitsitsinerit, akiliisinnaajunnaarnerit il.il. pillugit paasissutissanik pisinnaalissaaq. Allaffissorneq pisariillisarniarlugu aamma ilassutaasunik digitaliusumik sullissinermi arlalinnik toqqagassaqalerumaarpoq, soorlu Nemkonto, Nemhandel, e-faktura il.il.
Kalaallit Nunaanni suliffeqarfiit, soorlu Kalaallit Nunaanni Sulisitsisut Peqatigiiffiata Royal Greenland-illu arlaleriarlutik tikkuartortaraat, GER-imut atatillugu allaffissornikkut aningaasatigullu ajornartorsiutit arlallit suussusersisimavaat. CVR-normunik atuinikkut ingerlatseqatigiiffiit ilaatigut kalaallit qallunaallu nammineerluni sullissiviini online-kkut nalunaarsuisinnaalissapput, ingerlatseqatigiiffinnut allaffissornikkut oqilisaataasorujussuusussamik kiisalu qallunaat niuffaffiini aningaasarsiorsinnaanikkut nutaanik periarfissaqalissalluni.
Aamma qallunaat oqartussai aaqqiinermik taassuminnga iluaquteqassapput, ilaatigut kalaallit ingerlateqatigiiffiinut suliffeqarfiinullu tunngatillugit suliat ataasiakkaat allaffissornikkut sullinneri milleriassallutik. Namminersorneq pillugu inatsit tunngavigalugu ingerlatseqatigiiffiit suliffeqarfiillu pillugu oqartussaaneq suli tiguneqanngilaq, taamaammat GER Kalaallit Nunaanni atorneqaraluartoq CVR-imut nuunneq Kalaallit Nunaannut aningaasartuutinik qaffaanavianngilaq.