airplanebooksbriefcase business cogs cross election entertainment fish house law lockmedicalpeopleselfservices socialtax

Najukkanut nalunaarsuiffik

Najukkanut nalunaarsuiffik nuna tamakkerlugu najukkanut nalunaarsuiffittut atorneqarpoq paasissutissanillu aqqusernit aqqinik, illut normuinik, postnormunik naleqqanillu imaqarluni, taakkulu atorlugit najukkat nunami sumiinneranni eqqoqqissaartumik sumiissusersiorneqarsinnaapput. 

Nalunaarsuiffiup siunertaraa qulakkiissallugu pisortat suliffeqarfiillu atortorissaarutaanni assigiinngitsuni tamani assigiissakkamik eqqoqqissaartumillu najukkat atorneqarnissaat pilersinneqartarnissaallu.

Najukkanut nalunaarsuiffik maana iserfigineqarsinnaavoq. Tassani assersuutigalugu najugaq ujarneqarsinnaavoq. Asiap nammineq paasissutissaatiminut atatillugu aamma najukkanut paasissutissat atortarpai. Asiap quppernera maana iserfigiuk.

Innuttaasunut

Nunatsinni innuttaasunut najukkat pingaaruteqartuupput. Ilaatigut najukkap nalunaarsorneqarnera innuttaasumut kiffartuussissutinut arlalinnut periarfissiisarpoq, assinganillu paasissutissat tamakkua digitalikkut kiffartuussissutinut assigiinngitsunut atorneqarnissaannut periarfissiilluni.

Assersuutigalugu sullissivik.gl-imi ‘Digitalimik Nuunneq’ pillugu kiffartuussissummi tunngaviusumik paasissutissatut nalunaarsuiffimmeersut najukkanut paasissutissat atorneqartarput. Najukkat tunngaviusumik paasissutissaneersut atorneqarnerini, najukkat eqqortut atorneqarneri qulakkeerneqarpoq. ‘Digitalimik Nuunneq’ pillugu aaqqiissummi pingaarutilik tassaavoq, najukkat inigineqarsinnaasutut inatsisitigut naliliivigineqarnikut, kisimik digitalikkut nuuffiginerisa nalunaarutiginissaanut periarfissaanerini. Digitalimik nuunneq uani isumagineqarsinnaavoq.

Suliffeqarfinnut oqartussaaffeqarfinnullu

Suliffeqarfiit oqartussaqarfiillu innuttaasutulli najukkanut nalunaarsuiffinni ataasiakkaanik ikkussuisinnaapput. Tamatuma saniatigut malittarisaq (REST) atorlugu kiffartuussissutikkut paasissutissat ataatsimoortut pissarsiarisinnaavaat, taamaalillutik paasissutissat ataatsimoortut tamaasa iserfigisinnaallugit.

Najukkanut paasissutissanik pissarsinissamut ilitsersorneqarusukkuit, attavissaq tassaavoq digitalisering@nanoq.gl.

Attavissaq

Tunngaviusumik paasissutissanut tunngatillugu apeqqutissaqaruit, Digitalinngortitsinermut Aqutsisoqarfimmut saaffiginnissinnaavutit uani digitalisering@nanoq.gl

Attaveqarfissaq

Digitalinngortitsinermut Aqutsisoqarfik Postboks 1078 Imaneq 4 3900 Nuuk E-mail digitalisering@nanoq.gl Oqarasuaat (+299) 34 50 00 CVR: 39350610 GLN: 5790001952563

Nittartakkap avataani iserfissat

Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput.Akueriuk annertunerusumilluunniit uani paasisaqarit.