Pisortani Digitalimik Allakkerineq Nunatsinni pisortani ataatsimoorussamik qarasaasiaqarnikkut aaqqiissutaavoq, tassaasoq oqartussaaffeqarfiit, innuttaasut suliffeqarfiillu akornanni digitalimik isumannaatsumik attaveqaqatigiittarfiusoq. Aaqqiissut e-Boks A/S-imit isumagineqarpoq aamma pisortani oqartussaaffeqarfinniit digitalimik allagarsiat atuarneqarsinnaapput e-Boks.dk-ikkut imaluunniit sullissivik.gl-ikkut. E-Boks qarasaasiamiit, tabletsimiit imaluunniit smartphone-imiit iserfigineqarsinnaavoq. E-Boksip atornera akeqanngilaq aamma e-Boksimi allagarsiat amerlassutsimikkut killeqanngillat.
Digitalinngortitsinermut Aqutsisoqarfik atortorissaarutitigut aaqqiissummut piginnittuuvoq. Piginnittuunerani ingerlatsineq, atorsinnaanera ineriartortinneqarneralu isumagineqarput. Allagarsiatut nalunaarutit nassiunneqartut imarisaat Digitalinngortitsinermut Aqutsisoqarfimmit akisussaaffigineqanngillat. Oqartussaaffeqarfinnit nassiussisumit tamakku akisussaaffigineqarput.