Pisortat Digitalinngorsaanermik Aqutsisoqatigiivi – PDA

Pisortat Digitalinngorsaanermik Aqutsisoqatigiivi, tamatuma kingorna PDA-mik taagorneqartussap, ataani allassimasut pillugit aalajangiisinnaapput:

Inussuk IT

• Qitiusumik allattoqarfimmit kommunimillu suliniutit ataatsimut ingerlanneqartut ataatsimullu aningaasalersorneqartut Inussuk IT-mi suliarineqartut pillugit akuersineq nakkutilliinerlu
• 10.98.02 aqqutigalugu aningaasalersukkamik ataatsimut aningaasaqarnermut sulisoqarnermullu suliniutit ineriartortinneqartut Inussuk IT-mi suliarineqartut
• Inussuk IT-p ingerlanneqarneranik, immikkoortortaqarfimmi siulersuisutut, nakkutilliineq

Digitalinngortitsinermik Aqutsisoqarfik

• Nuna tamakkerlugu digitaliseeriinermut periusissiaq aqqutigalugu suliniutit PDA-p aningaasalersugai pillugit akuersineq nakkutilliinerlu
• Nuna tamakkerlugu digitalikkut attaveqaasersuineq pillugu ineriartortitsinissamut suliniutinik akuersineq nakkutilliinerlu
• Nuna tamakkerlugu digitalikkut attaveqaasersuineq pillugu ingerlatsinermi inissisimaneq pillugu paasissutissiineq: tunngaviusumik paasissutissat, Pitu, Pisortani Digitalimik Allakkerineq, sullissivik.gl aammalu ilusilersuineq

PDA-mi suliassat allat:

• Pisortaqarfinni ataatsimut digitalimik iliuusissat suliniutillu pillugit qitiusumik allattoqarfiup kommunillu akornanni ataqatigiissaarineq siunnersuinerlu.

Pisortani ataatsimoorussamik IT-mut tunngasutigut suleqatigiinnermut Namminersorlutik Oqartussat nalunaarutaat nr. 37 7.juuli 2023-meersumi siunertarineqartoq atuarneqarsinnaavoq, taannalu aallaavigalugu PDA siulersuisuusussatut toqqarneqarsimavoq.

Aningaasanut inatsimmi 10.98.02 – Nuna tamakkerlugu digitaliseeriinermut periusissiaq -mut aningaasaliissutaasut malillugit Digitalinngortitsinermut Aqutsisoqarfip aalajangisinnaassusaa takuneqarsinnaavoq.