airplanebooksbriefcase business cogs cross election entertainment fish house law lockmedicalpeopleselfservices socialtax

NemKonto

NemKonto tassaavoq pisortaqarfinnit aningaasanik nuussinermi atortorissaarut. Aaqqiissut tamanna atorlugu, pisortani oqartussaqarfiit innuttaasunut suliffeqarfinnullu aningaasanik nuussisinnaapput, inuup-normua/CVR-normu atuinnarlugit.

Pisortani oqartussaqarfiit tamarmik NemKonto atorlugu aningaasanik nuussisassapput. Taamaattumik innuttaasut suliffeqarfiillu tamarmik NemKontoqarnissamut pisussaaffeqarput, pisortanit aningaasanik nuussiviusinnaasumik.

NemKontop Nunatsinni atorsinnaanissaa Digitalinngortitsinermut Aqutsisoqarfimmit akisussaaffigineqarpoq. Aningaasat nuunneqartut eqqortuunersut Digitalinngortitsinermut Aqutsisoqarfiup akisussaaffiginngilaa.

Innuttaasunut

Innuttaasut kikkulluunniit pisortanit aningaasanik pissarsisartut NemKontoqassapput. Innuttaasutut illit bankimi kontonni pioreersuni konto sorleq NemKontorissanerlugu nalunaarutigissavat. Tassunga bankkontomut pisortat aningaasanik nuussisassapput. Assersuutigalugu bankerisat allanngortissimagukku, NemKontoit nutarterneqarnissaa illit nammineq akisussaaffigaat.

Innuttaasunut NemKonto pillugu paasissutissat sullissivik.gl-imi atuarsinnaavatit.

Suliffeqarfinnut

Nunatsinni suliffeqarfinnik ingerlatsisut kikkulluunniit NemKontoqassapput. Suliffeqarfiup NemKontoanut pisortani oqartussaasunit tamanit aningaasanik nuussiviuvoq.

Suliffeqarfiutit CVR-normumik peqalerpat, aningaaserivinnut NemKonto atukkat nalunaarutigissavat. Assersuutigalugu bankerisat allanngortissimagukku, NemKontoit nutarterneqarnissaa illit nammineq akisussaaffigaat.

Suliffeqarfinnut NemKonto pillugu paasissutissat sullissivik.gl-imi atuarsinnaavatit.

Oqartussaaffeqarfinnut

Pisortani oqartussaqarfiit tamarmik NemKonto atorlugu innuttaasunut suliffeqarfinnullu aningaasanik nuussisarput.

Paasissutissat atuakkit

Innuttaasut NemKonto pillugu paasissutissat sullissivik.gl-ip innuttaasunut quppernerani atuarsinnaavaat, suliffeqarfiillu paasissutissat sullissivik.gl-ip suliffeqarfiutilinnut quppernerani atuarsinnaallugit.

NemKonto Danmarkimittaaq atorneqarpoq. NemKonto pillugu paasissutissat atuarneqarsinnaapput uani www.nemkonto.dk (qallunaatuinnaq tuluttuinnarlu allaqqapput)

Attavissaq

NemKonto pillugu apeqqutissaqaruit, Digitalinngortitsinermut Aqutsisoqarfik attavigisinnaavat uani nemkonto@nanoq.gl

Attaveqarfissaq

Digitalinngortitsinermut Aqutsisoqarfik Postboks 1078 Imaneq 4 3900 Nuuk E-mail digitalisering@nanoq.gl Oqarasuaat (+299) 34 50 00 CVR: 39350610 GLN: 5790001952563

Nittartakkap avataani iserfissat

Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput.Akueriuk annertunerusumilluunniit uani paasisaqarit.