Oqartussaqarfiit kommunillu innuttaasunut digitalimik allakkanik nassiussisussanngortillutik suliniut pillugu isumaliuteqartarsimanissaat pingaaruteqarpoq.
Oqartussaqarfimmi imaluunniit kommunimi allakkanik digitalinngorsaaneq tassaalissaaq digitalinngorsaanissamut aamma allannguinissamut suliniuteqarneq ilaatigullu aaqqissuulluakkamik, ataavartuunissamik aqunneqarnissaanillu pisariaqassaaq.
Taamaattumik Digitalimik Sullissinermut Aqutsisoqarfiup oqartussaqarfiit kommunillu kaammattussavai atulersitsinissamut ilitsersuut quppernermi ataatungaani atuarneqarsinnaavoq atuaqqullugu.
Atulersitsinissamut ilitsersuut Danmarkimi Pisortani Digitalimik Allakkerineq eqqunneqartussanngormat qallunaat Digitalimik Sullissinermut Aqutsisoqarfianit, Danske Regioner-imit aamma KL-imit 2012-imi suliarineqarpoq. Ilitsersuut 2012-imeersuummat allakkiami link-it ilaat atorsinnaannginnissaat eqqumaffigissavat.
Ilitsersuutip siunertaraa oqartussaqarfimmi allakkat digitalinngorsarneqarneri pillugit suliniutip imarisaanik malinnaasinnaanissamut aalajangiisartut, suliniummut aqutsisut allallu suliniummut peqataasut sakkussaqartinneqalernissaat. Ilitsersuut atorlugu sammisat arlallit ilisaritinneqarlutillu suliarineqarput aamma ilitsersuutinut suliniutitullu misilittakkanut attuumassuteqartunut innersuussisoqarluni.
Atulersitsinissamut
ilitsersuut uani nassaarisinnaavat
Ajornartorsiutinik aaqqiinissamut katersukkat
Qallunaat kommuniisa aporfik imaluunniit suliniuteqarfissaq immikkuullarissoq qanoq pakkersimaarneqarsinnaanersoq pillugu qulinik assersuusiornikkut “Ajornartorsiutinik aaqqiinissamut katersukkanik” taallugu KL-imit tamatuma saniatigut suliarineqarpoq. Ajornartorsiutinik aaqqiisussat aalajangersimasut qulit sammisanut makkununnga tunngatinneqarput teknikki, inatsisit, sulinermi najoqqutassaq (business case), pissarsiat malitseqartinneqarnerat aamma attaveqaqatigiinneq.
Ajornartorsiutinik aaqqiinissamut
katersukkat uani nassaarisinnaavatit
Pisortat Ataatsimut Suliniuteqarnerat
Pisortani digitalinngorsaanermut suliniutit iluatsissappata, aamma naatsorsuutigisamik pissarsiassat piviusunngussappata, Digitalimik Sullissinermut Aqutsisoqarfiup “Pisortat Ataatsimut Suliniuteqarnerat” pilersippaa. Pisortat Ataatsimut Suliniuteqarnerat, aamma FOP-imik taaneqartartoq, atorlugu pissarsiassat eqqortumik aqunneqarnissaat eqqortumillu ukkatarineqarnissaat qulakkeerneqartussaavoq.
Digitalimik Sullissinermut Aqutsisoqarfimmit oqartussaqarfiit kommunillu tamaasa kaammattorpai Pisortani Digitalimik Allakkerinermi suliniutiminnut FOP-imut suliniuteqarneq atussagaat.
Pisortat Ataatsimut Suliniuteqarnerat
uani nassaarisinnaavat