airplanebooksbriefcase business cogs cross election entertainment fish house law lockmedicalpeopleselfservices socialtax

Tunngaviusumik paasissutissat

"Tunngaviusumik paasissutissat pitsaasut tamanut - annertusiartortitsinermut sunniuteqarluartumillu pisariillisaanermut tunngavissiisut"

 

Tunngaviusumik paasissutissanik programmimi siunertaavoq

- pisortat tunngaviusumik paasissutissaataat pitsanngorsarneratigut, paasissutissat tamanit atorneqarsinnaasut ataatsimillu siammarteriffeqarnikkut sunniuteqarluartumik pisariitsumillu atuinerup qulakkeerneqarnissaa Pisortani oqartussaasut paasis-sutissaataannik pitsaanerusumik atuineq aqqutissaavoq pisortani sunniuteqarluartu-mik pisariillisaanermut innuttaasunik suliffeqarfinnillu sullissinermut pitsanngor-saataasussaq.

 

Takorluukkamut tunuliaqutaasoq

Tunngaviusumik paasissutissanut programmikkut tunngaviusumik paasissutissat eqqortut qulakkeerneqassapput, taakku ataatsimi nutarterneqartassapput tamanillu atorneqarlutik. Tunngaviusumik paasissutissat oqartussanut suliffeqarfinnullu pisariitsumik isumannaatsumillu siammarterneqartassapput. Taamaalillutik sunniuteqarluartumik pisariillisaanermut, nutarterinermut pisortallu pitsaanerusumik ingerlatsinerannut kiisalu namminersortut annertusiartortitsinerannut naammassisaqarsinnaassusiannullu iluaqusiissallutik.

Naalakkersuisut Pisortallu ataatsimut IT-mik atuinerat pillugu suleqatigiissitaq (FOIS) "Tunngaviusumik paasissutissat pitsaasut tamanut - annertusiartortitsinermut sunniuteqarluartumillu pisariillisaanermut tunngavissiisut" pillugit isumaqatigiissuteqarsimapput taa-maalillutillu tunngaviusumik paasissutissanut programmi pilersillugu.

Pisortani nalunaarsugaatit qitiusunik tunngaviusumik paasissutissanik torersaanikkut, pitsanngorsaanikkut peqatigisaanillu oqartussaasunut, suliffeqarfinnut innuttaasunullu tamanit atorneqarsinnaanngortitsineq marloqiusamik nalunaarsuisarnerit, nalunaarsuiffinnik marloqiusamik ingerlatsinerit allaffissornermullu aningaasartuutit ikilisinneqarsinnaapput sunniuteqarluartumillu pisariillisaa-nerit pisortani ukiumut milliard-it sisamararterutaasa missaannik iluanaaruteqartoqarsinnaassaaq.

Suliffeqarfiit innuttaasullu peqatigisaannik pisortanut paasissutissanik assigiinnik arlaleriarluni tunniussisarunnaassapput. Aammattaaq pisortat tunngaviusumik paasissutissaataannik pitsaasunik tamat atuisinnaanerat nutaanik alliartortitsinissamut nutaanillu aallartisaanissamut periarfissiissaaq namminersortunullu ukiumut milliard-it affaanik sipaaruteqartitsisinnaassalluni.