PDAA-mik ineriartortitsineq

PDAA-mik suliniutit pisortaqarfinni digitalimik aaqqiissutinik suliaqartunut tamanut ataatsimut najoqqutassaqalersitsinissamut siunertaqarput. PDAA-p suliarinerata nalaani pisortaqarfinniittut Kalaallit Nunaanni pisortaqarfinni oqartussaqarfiit tamaviisa, tassa kommunit, Namminersorlutik Oqartussani Qitiusumik Allaffeqarfik taakkulu suliffeqarfiutai ilanngullugit peqataatinneqarnissaat assut pingaartinneqarpoq.

PDAA-p ineriartortinneqarnera ataqatigiittumik aaqqissuussinermi suleqatigiinnit pisortaqarfinni ataatsimut sulisuniit isumagineqassaaq. Suliniutip ingerlanneqarnerani suleqatigiit naapikulasassapput PDAA-llu naammassineqarnissaa taassuminnga atuilersussat qanimut suleqatigineratigut qulakkiissallugu. Tamatuma saniatigut ukiumoortumik PDAA workshoppimut kiisalu ataavartumik nittartakkatigut ataatsimiittarnissanut pisortaqarfinni ataatsimoorussaniit soqutigisaqaqatigiit arlallit aggersarneqartassapput.

PDAA-mut suliniut pillugu apeqqutissaqaruit attavissaq thha@nanoq.gl