5. Suliarinninnerit pillugit Datatilsynimut nalunaaruteqarneq
Nalunaaruteqartarnermut aaqqiissummi siunertarineqarpoq Datatilsynip, paasissutissanik inunnut tunngasunik suliarinninnerit ilaannik, nakkutiginnissinnaanissaanut periarfissinnissaa. Nalunaaruteqartarnermut aaqqiissutip aamma suliarinninnerit pillugit kikkulluunniit
ilisimasaqalernissaannik periarfississavai.
lnunnut paasissutissanik suliarinnittarneq pillugu inatsit nalunaaruteqarneq sunik imaqassanersoq pillugu arlalinnik piumasaqaateqarpoq. Pineqartut assersuutigalugu tassaapput paasissutissanut akisussaasuusup atia aamma najugaa, suliarineqartup taaguutaa aamma siunertaa, kiisalu inuit pineqartut aamma paasissutissat suliarineqartut suussusii.
Eqqumaffigissallugu pingaaruteqarpoq nalunaarsuisarfiit, imaluunniit it'eqarnikkut systemit ataasiakkaat nalunaarutigineqartussaanngimmata, kisiannili paasissutissanik inunnut tunngasunik suliarinninneq, siunertamut aalajangersimasumut tunngasoq, nalunaarutigineqassalluni. Ass. nalunaaruteqarneq suliffeqarfiup sulisunut allaffissornikkut sullissineranut imaluunniit pisortat oqartussaqarfianni suliassamik suliarinninnermut tunngasinnaavoq.
Pisortat oqartussaqarfiisa tunngaviusumik nalunaarutigisassaat tassaapput paasissutissanik isertuussassanik suliarinninnertik. Oqartussaqarfiit nalinginnaasumik Datatilsynimit oqaaseqaammik pissarsissapput, paasissutissanik suliarinninneq sioqqullugu.
Paasissutissat isertuussassat paasissutissanut mianerisarialinnut, inunnut paasissutissanik suliarinnittarnermut inatsimmi § 7-imi aamma § 8-mi taaneqartunut, aamma paasissutissanut allanut mianerisariaqanngitsunut, taamaattorli inuiaqatigiinni nalinginnaasumik paasinninneq naapertorlugu tamanit ilisimaneqalertariaqanngitsutut isigineqartunut, tunngapput. Ass. paasissutissat isertitanut-aamma nalilinnik pigisaqarnermut tunngasut nalinginnaasumik isertuussassaassapput. Oqartussaqarfiit paasissutissanik inunnut tunngasunik nakkutilliinissaq siunertaralugu sanilliussinernik imaluunniit ataatsimut ingerlassinernik suliaqarunik sanilliussinermi/ataatsimut ingerlassinermi inernerit aamma isertuussassaassapput.
lmmikkut ilanngunneqanngitsut, paasissutissanut kinaassutsimut tunngasunut isertuussassanut (ass. inuup normui) aamma pisortat oqartussaasuinut aamma pisortat oqartussaasuinit akiliutit pillugit paasissutissat tunngaviusumik nalunaaruteqaqqaarani suliarineqarsinnaapput.