Aalajangersimasumik isumaqatigiissutit

Aalajangersimasumik isumaqatigiissutit suliarineqarnerannut tunngaviuvoq It-eqarnikkut atortulersuutinik pisiniarnermi, pisisumut niueruteqartumullu, isumaqatigiissusiornissat pisariillisarnissaat kiisalu isumaqatigiissusiornermi assigiissumik paaseqatigiinnissaq anguniarlugu.

Aalajangersimasumik isumaqatigiissutit assiginngitsut pingasuupput, tamarmik immikkut atuuffissallit:

  • K01 tunisassianik aalajangersimasunik tunniussinermut tunngavoq, annikitsuinnarmik immikkut naleqqussarneqartussaq.
  • K02 IT-eqarnikkut suliniutinut sivisunerusunut annertunerusunullu naleqquppoq, immikkuualuttunngorlugit tunniussinernut agguataagaasoq.
  • K03 IT-eqarnikkut suliniutinut siuarsaanermi periutsinut eqaatsumik allannguisinnaanermut naleqquppoq.

Aalajangersimasumik isumaqatigiissutit (K01, K02, K03) atuuffissaannut atorneqarnissaat Digitalimik Sullissinermut Aqutsisoqarfimmit innersuussutigineqarpoq. Aalajangersimasumik isumaqatigiissutit aammattaaq kommunenit namminersorlutillu suliffiutilinnit IT-eqarnikkut suliniutinut atorneqarsinnaapput.  

Aalajangersimasumik isumaqatigiissutinut (K01, K02, K03) Digitalimik Sullissinermut Aqutsisoqarfik piginnittuuvoq, taamaattorli kinaluunniit IT-eqarnikkut suliniutinik inerisaanermik suliaqarnermut atatillugu isumaqatigiissusiornermi aalajangersimasumik isumaqatigiissutinik assiliillunilu oqaasertanik tamakkiisumik ilaannakortumilluunniit akiliuteqaqqaarani atuinissaminut pisinnaatitaavoq.