Projekti-mut aqutsisoq

Pisortat suliniutinut ataatsimoorussamik najoqqutassaat tassaavoq Kalaallit Nunaanni suliniutinik ingerlataqarnermi ataatsimoorussamik atugassaq.

Suliniutit qanoq oqasilertarnissaannut aqunnissaannullu, aammalu ingerlannerini akisussaaffiit inissisimanerillu qanoq agguataarnissaat pingaarnertut tunngavissat, najoqqutaasni ilanngunneqarput. Tamakku saniatigut atortussat, sakkussiat ilitsersuutillu arlaqartut najoqqutassanut ilanngunneqarput, suliniutini qitiutitassat tunaartassallu qulakkeernissaannut atorsinnaasagut. 

PRINCEQTM najoqqutassanut tunngavigineqarpoq, suliniutinut tunngaviusumik ukiuni arlaqartuni atorneqartartoq. Naleqqussaanerit ataasiakkaat suliarineqarput isumatusaarnerlu atorneqarluni – PRINCE2-mi anersaaq malillugu – kalaallit pisortaannut naleqquttunngorsarlugu.

Alloriarnernut agguataarineq
Pitsaasumik aqutsineq qulakkeerniarlugu, suliniutit alloriarnernut agguataarneqassapput. Tulliuttuni alloriarnerit tallimat atorpavut. Alloriarnerit tamarmik immikkut siunertaqarput, ersarissumik immikkoortillugit, alloriarnerup qaqugukkut aallartinnera, qaqugukkullu naammassinera, paasiu minatunngorlugit.

Projektmodel

Suliniut annertuppat nalunartuullunilu, alloriarnerit immikkut ataasiakkaat suli alloriarnernut agguataaqqinneqarsinnaapput. Tamassuma suliniutip nalunartuunera aarlerinartoqarneralu annikillisissavai, naleqquttumik sumiisut paasinartilissammagit.

Akisussaaffiit inissisimanerillu
Alloriarnerni tallimaasuni aqutsinermut akisussaaffiit suliffeqarfiup iluani assigiinngitsuni inissisimapput. Siullermik suliassaqarfiit suliniutissamik isumassarsissapput. Suliassaqarfiup isumassarsiaq naatsumik nassuiarsinnaassavaa. Kingusinnerusukkut akisussaaffiit aqutsinerlu suliniummik aqutsisumi aqutseqatigiinnilu inissisimassapput, iluaqutissatut eqqarsaatigineqartut piviusunngortinissaannut suliassqarfik naggataasumik akisussaalissalluni.

Uppernarsaatitut allakkat
Atortussat, sakkussiat ilitsersuutillu najoqqutassami malitassatut allakkatullu ilanngunneqarput. Sulinissinni tapersiisutut, suliniutip siuariartornissaanik qulakkiisutut aallajangiinissassinnullu tunngavissaqarnissassinnut qulakkiisussatut. Pingaarnersaavoq suliniutip aallarnisarnissaanut allakkiaq, aamma PID-mik taaneqartoq, taavalu casen (BC).

Najoqqutassaq pisortani suliniutinik suliaqartunut tamanut, naalakkersuisoqarfiit, aqutsisoqarfiit, kommunit, siammasissumi immikkoortortaqarfiit ilanngullugit, atugassiaavoq.

Suliniutinut najoqqutassami immikkut piumasaqaatit ilanngunneqarput, kisianni najoqqutassaq naapertorlugu kikkulluunniit suliniummik suliaqarsinnaapput. Prince2™ ilisimassallugu iluaqutassaaq – piumasaqaataananili. Pisariaqatrinneqarpat suliniutip alloriarfiini tamani Digitalimik sullissinermut Aqutsisoqarfik ikiuussinnaavoq.