Sulianik najoqqutassiortoq

Digitalimik sullissinermut Aqutsisoqarfik sulianik aqutsinermut najoqqutassiorpoq, suleriaatsinut najoqqutassat (uppernarsaasiornerit) pitsanngorsaanerillu ilanngullugit.

Sulianik ingerlatsinerni qanorluunniit ittuni tamani pisariillisaanissamut ilippanaateqarluartunik atorneqarsinnaasoqartarpoq. Ingerlatsinerni inunnik immikkoortortaqarfinnilluunniit arlalinnik pe-qataaffigineqartuni suliaq allamit suliarineqaleraangat tamatigut kukkunissamut, paatsoornissamut, akimmiffeqarnissamut marloriaammilluunniit suliaqarnissamut aarlerinaatit arlallit pisarput. Aam-ma imaassinnaavoq atortut, atortorissaarutit periutsilluunniit suliamut tamarmut kingunerlutsitsisin-naasut siunertamut naapertuutinngitsumik atorneqartut. Ullumikkut qanoq ingerlatsisoqartarneranik nassuiaasiornermi misissueqqissaarnermilu ajornartorsiutaasinnaasut qulaajarneqarsinnaapput, taa-malu ingerlatsisarnerit pitsanngorsaaffigineqarnissaanut tunngavissaqalerluni.

Suleriaatsit uppernarsaasiornissaannut aallartisarnissamut periutsini alloriarnerit arfineq-marluk najoqqutassani nassuiaasiorneqarput, qanoq ingerlanneqarnissaat, suleriaatsit qanoq pitsaanerulesinnissaat qanorlu suleriaatsit malinnaasinneqarsinnaanersut. Najoqqutassat ataatsimut isigalugu siunertaraat suliassat suunerisa paasinartunngortinnissat suleriaatsillu assigiiaartunngortinnissaannut pisariillisarnissaannullu tunngavissat pilersissallugit.

Suleriaatsinik aqutsinerup aallatrinnerani alloriarneq siulleq pissaaq, sinnerilu suleriaatsini/suliassaqarfiusuni allani uteqqinneqartarlutik. Suleriaatsinik aqutsineq suliffeqarfiup taassaumalu avatangiisiisa allanngoriartornerini ingerlaavartumik suliassaavoq, suleriaatsit suliassaqarfinnut najoqqutassatullu anguniakkanut naleqqunnerpaatillugit. Suleriaasissanut najoqqutassiorneq pisariillisaanerlu tassa aallarniutissaannaanngilaq, naleqquttumilli akunnerilerlugu iluaqutaasumik qitiutinneqarsinnaasoq.

Suleriaatsinik aqutsineq suliffeqarfiup taassumalu suliassaanik maannakkorpiaq taamatut isikkoqartillugu nassuiaasiornerinut atorneqarsinnaavoq, taamatullu uppernatsaasiorneq aallavigalugu suleriaatsit assigiilersinneqarsinnaallutik pisariaqartitsinerlu malillugu pisariillisarlugit. Uppernarsaasiani taaguutit naleqquttut oqaasertalersorneqassapput, taavalu najoqqutasssiornermi alloriarnerit arfineq-marluk assersuutit ilanngullugit nassuiarneqarlutik.

Najoqqutassiaq suleriaatsinik najoqqutassionermik soqutigisaqarttumit kimilluunniit atorneqarsinnaavoq. Taamaattoq suliassap ingerlannissaanik titartaanermik nassuiaasiornermilluunniit misilittagqarneq iluaqutaassaaq, pingaartumillu pikkorissaanernik aaqqissuussinissaq misilittagaqarfiussalluni.
Digitalimik sullissinermut Aqutsisoqarfimmit siunnersortit suleriaatsinik najoqqutassiornermik misilittagaqartut saniatigut, immikkoortortaqarfiit sulianut attuumassuteqartut tamakkerlugit suleqatigilluarnissaat pisariaqarpoq.
Tamakku saniatigut, sulisut imaluunniit immikkoortortaqarfiit, suleriaatsinik assigingusunik uppernarsaasiornermik pisariillisaanermilluunniit soqutigisaqartut akuliutissallugit naleqquttuusinnaavoq. Taamaaliornikkut suleriaatsit assigiiaartut pisariillisarnissaat pitsaanerulersinnissaalluunniit pillugit ilisimasat siammartinneqarsinnaapput.

Suleriaatsit uppernarsarnissaannik naleqqussarnissaannillu imaluunniit atuutilersinnaannut immikkoortortaqarfinni aqutsisut soqutigisarissavaat.
Suleriaatsinik pikkorissarnissamut oqaluuserinninnissamullu isumalluutissat immikkoortortaqarfiit piareersimatissavaat.

Saqqummiinermut takutitassiaq takuuk: Powerpoint | PDF

Pisortaqarfinni sulianik najoqqutassiaq: Word | PDF

 

Unified Modeling Language (UML)

UML flytteanmeldelse

Unified Modeling Language (UML) tassaavoq naliginnaasumik diagrammiliorneq ingerlatsinermi.

UML-mut ilisarnaataavoq titartaganngortitsisinnaanera, ingerlaffillu arlallit atorlugit sunaassusai. Sunassusai inuinnaasinaapput, immikkoortotaqarfik, systemi imaluunniit sumiiffik. takujuk assersuut quulaani. UML atavoq Process Modelering and Notation (BPMN) naliginnaasumik atugaanerpaapput Procesmodelerinngimut.

 

 

 

RapidValue

RapidValue tassaavoq najoqqutassiornermi, ilusilersuinermi ingerlanneqartunillu agguataarinermi atortoq. Ingerlatanut najoqqutassiat nassuiaatillugu atortumut ataatsimut katersornerini ingerlatat paasiuminarsissapput taavalu suleriaatsinut, sulisutut ingerlanneqartunut, iluaqutissat nassaariumi-narsissallutik