Atuutilersitsinermik suliaq F2

Takuuk F2-mik suliniummi Namminersorlutik Oqartussani ESDH-systemip atuutilersinneqarnissaanut qanoq piareersaasiortoqarsimallunilu atuutilersitsinermik naammassinnittoqarsimanersoq

F2-mik suliniummi aaqqiissutit atuutilersinneqaraangata aaqqissuuteqqissaakkamik atuutilersitsiartuaartoqartarpoq. Tunisassiap nammineq atuutilersinneqarnissaa sioqqullugu piareersarneq annertooq suliarineqartarpoq. Tamatumani aamma allannguinermik aqutsineq akuuvoq. Ataani takussutissiarineqartumi takusinnaasattut, atuutilersitsinissamik pilersaarummi suliassat ilarpassui suliassanik tunngaveqarput, allannguinissamut periutsini assigiinngitsuni nassaassaasunik.

Billede af implementeringsmodel

 

Suliniutip atuutilersinneqarnerani periuseq tamakkerlugu qulaani assiliartaliussami takusassiarineqarpoq. Suliat immikkuualuttortaat ataani nassuiarneqarput:

  1. Ilimasaarineq
  2. Suliniummik pilersitsineq
  3. Piareersarneq
  4. Workshopertitsinissamut ilinniartitsineq
  5. Workshopit
  6. Nassuiaasiorneq aamma naligiissaarineq
  7. Qarasaasiniak suleqatigiilersitsineq (konfiguration)
  8. Misileraaneq
  9. Ilinniartitsineq
  10. Paasissutissanik qarasaasiamut ilioraaneq
  11. Atuutilersitsineq
  12. Ingerlatsineq aamma ingerlatsineq pillugu ataatsimiinnerit
  13. Naliliineq

Matumani erseqqilluinnartumik takuneqarsinnaavoq suliniummik atuutilersitsineq, tunisassiaappat, suleriaasiuppat nutaaq, imaluunniit allarluinnaappat peqqissaarussamik pilersaarusiornermik aamma atuisussanik piginnaanngorsaanermik/ilinniartitsinermik aallartinneqartartoq.

Suliniummi F2-mi atuutilersitsinissamut periusissartik piareeramikku aatsaat immikkoortortanut ataasiakkaanut, systemimik atuisussanut, atuutilersitsinissamik ataqatigiissaarineq aallartinneqarpoq. Assittaliussami ataaniittumi takuneqarsinnaavoq atuutilersitsinissamut pilersaarut, tassanilu takuneqarsinnaavoq suliniummi atuutilersitsiartuaanermik periuseq atorneqassasoq, Namminersorlutik Oqartussani immikkoortortat tulleriiaarlutik systemimut nutaamut ikaarsaassallutik.

Idriftsættelsesplan