Atuutilersitsinermi periutsit

Suliniutit iluatsilluarnissaannut pingaaruteqarnerpaat ilagaat atuutilersitsinissamik suliap suliffeqarfimmi eqqarsaatigineqarnissaa

Atuutilersitsinermi periutsinik assigiinngitsunik nassuiaatinut taaguutit assigiinngitsorpassuit nassaassaapput. Digitalimik Sullissinermut Aqutsisoqarfimmit uagut taaguutit tulliuttumi taaneqartut atussallutigit aalajangerpugut:

  • Tassanngaannartumik atuutilersitsineq ("Big Bang")
  • Illugiimmik atuutilersitsineq (Parallel)
  • Alliartuaartillugu/tulleriiaarlugu atuutilersitsineq (Inkrementel/trinvis)

Atuutilersitsinissami periutsit assigiinngitsut taakku suliniutini amerlasuuni ullumikkut atorneqarput – qanoq periuseqarluni atuutilersitsinissaq immaqa eqqumaffigineqarpoq, immaqali periutsip  nassuiaataanik atuisoqarani imaluunniit atuisussanut nalunaarutiginnittoqarani. Atuutilersitsinerup iluatsilluarnissaanut atuutilersitsinermi periutsip nalunaarutiginissaa pingaarutillit ilagaat, taamaalilluni attuumassutillit (atuisut, aqutsisut attuumassutillillu allat) atuutilersitsinermut piareersimallutillu tigusilluarniassammata.


Tassanngaannartumik atuutilersitsineq "Big Bang"
Taaguutaata tikkuussineratut atuutilersitsineq tassanngaannartumik pisoq pineqarpoq, tassalu suliniummi atortulersuutit ataatsikkut atuutilersinneqarlutik. Suliniutit tassaakkajupput atuutilersitsinermi kinguneqaataasussat aarlerinaatillu amerlanngitsut. Taamaattorli pisoqarsinnaavoq tassanngaannartumik piumasaqaateqarnikkut, imaluunniit inatsisinik allannguisoqarnerata kingunerisaanik suliniutinik angisuunik "Big Bang"-imik atuutilersitsinermik kinguneqartumik.


Illugiissumik atuutilersitsineq
Illugiissumik atuutilersitsinermi sulianut suliassanulluunniit tunngatillugu systemit suleriaatsilluunniit atorneqartut attatiinnarneqartarput. Suleriaatsip atorneqartup saniatigut sulianut suliassanulluunniit suliniummik atuutilersitsisoqartarpoq. Imaassinnaavoq immikkoortoqatigiinni sulisut agguataarneqartut, taamaaliornikkut suliassat nutaat suliaqaqatigiit aappaannit ingerlanneqarlutik, suliallu ingerlasut suliaqaqatigiit aappaannit ingerlanneqarlutik. Taamaaliornikkut immikkoortoqatigiit ingerlaavartumik ingerlatsinerat qulakkeerneqassaaq, aammalu atuutilersitsineq pisariitsumik pissalluni.


Alliartuaartillugu/tulleriiaarlugu atuutilersitsineq
Atuutilersitsineq immikkoortoqatigiinni arlalinni/amerlasuuni pissappat pitsaasuusinnaavoq atuutilersitsinissaq tulleriiaarlugu ingerlanneqarpat. Atuutilersitseriaaseq taanna atorlugu atuutilersitsinerup nalaani immikkoortoqatigiinnik tamakkiisumik ikiuussinnaaneq periarfissaqarpoq. Ilutigitilluguttaaq atuutilersitsinerup ingerlanneqarnerani tulleriaaraluni  atuutilersitsinerni suliniummut ilitsersuutinik periutsinillu ataavartumik naleqqussaanissaq periarfissaqassaaq.

Atuutilersitsinermi periaatsit assigiinngitsut sorlernut atorneqarnissaannik innersuussutit ataani takusassiarineqarput. Taanna najoqqutassakkuminarpoq, pisoqartuartassaarli atuutilersitsinermi  periaatsimik pitsaanerpaamik toqqaanissamik ajornakusoortitsiviusumik.

 

Suliniut ataaseq (kinguneqaataasussat amerlanngitsut)

(kinguneqaataasussat amerlasuut) Suliniutit pisariusut

”Big Bang”

Illugiissumik atuutilersitsineq

Tulleriiaaraluni atuutilersitsineq