Lewinsip aqutsinikkut allannguinermut

Lewinsip periaasia pingasunik immikkoortoqarpoq, arlalinnik
ingerlariaqqiffissartalinnik

Unfreeze

  1. Suna allanngortinneqassanersoq aalajangeruk
    • Suliffeqarfik misissoqqissaaruk, maannakkullu killiffik paasillugu
    • Allannguisoqarnissaanik sooq pisariaqartitsisoqarnersoq paasiuk
  2. Aqutsisut qullersaanni erseqqissumik tunngaviilinissaq qulakkeeruk
    • Attuumassuteqarfinnik misissueqqissaarnermik suliaqarit, aammalu suliffeqarfimmi inunnit pingaarutilimmik inissisimasunit tapersersorneqarnissaq qulakkeerlugu
    • Pisariaqartitsineq suliffeqarfimmut tamarmut pingaarutilittut/pisariaqartutut inissisimalersiguk
  3. Allannguinissamik pisariaqartitsineq pilersiguk (suliffeqarfik ajornartorsiortoq)
    • Allannguinissamik pisariaqartitsineq uppernassusilimmik oqaluttuariuk
    • Anguniagaq periusissiarlu atorlugit pingaarutaa uppernassusialu naqissusikkit
    • Allannguinissamut pisariaqartumut tunngatillugu anguniagaq nalunaarutigiuk
    • Pisariaqartitsineq erseqqissaruk
  4. Qularnerit ernumanerillu aqukkit
    • Sulisut ernummataannut ammanerit ingerlatiinnaruk, aammalu allannguinissamut pisariaqartumut tunngasunut innersuullugit

Change

  1. Akulikitsumik nalunaaruteqartarit
    • Allannguutissat piareersarneranni aamma atuutilersinneqarneranni taamaaliorit
    • Iluanaarutissat/iluaqutissat nassuiakkit
    • Allannguinerup tamanut sunniutissai eqqortumik nassuiakkit
    • Allannguinerit pisussat pillugit kikkut tamaasa piareersartikkit
  2. Tusatsiakkat suujunnaarsikkit
    • Apeqqutit ammasumik ilumoortumillu akisakkit
    • Ajornartorsiutit takkukkaangata suliarisakkit
    • Allannguutit sulinikkut pisariaqartitsinermut attuumassuteqalersikkit
  3. Akisussaaffik/pissaaneq agguataaruk
    • Sulisut sunniuteqarnissaminnut periarfissaannik aqqutissiuutikkit
    • Sulisunut aqutsisut siunnerfimmik aalajangersaatikkit – pisariaqassappat ullut tamakkiallugit
  4. Suliap ingerlannerani inuit akuutikkit
    • Allannguinerup ataavartunngornissaa anguniarlugu piffissap sivikitsup iluani iluanaarutissanik pilersitsigit
    • Attuumassutillit avataaneersut isumaqatiginninniarfigikkit (suliatigut peqatigiiffiit il.il)

Refreeze

  1. Allannguineq suliffeqarfimmi suleriaatsimut tunngavileruk
    • Suleriaatsimi immikkuualuttut sorliit allannguinermut ikiuutaanersut suussusersikkit
    • Aalajangiusimanniinnarnissamut suleriaatsimi suut aporfilersuutaanersut suussusersikkit
  2. Allannguinerup attatiinnarnissaanut periutsinik ineriartortitsigit
    • Aqutsisunit tapersersorneqarnissaq qulakkeeruk
    • Akissarsitseriaatsimik pilersitsigit
    • Utertitsiviginninnissamut periaatsimik pilersitsigit
    • Suleriaaseq allannguinermut tapertaasussanngorlugu naleqqussaruk
  3. Ikiuunnissamik ilinniartitsinissamillu neqerooruteqarit
    • Kikkut tamarmik ilisimatinneqarnissaat qulaakkeeruk, aammalu ikiorneqarnissaat isumagalugu
  4. Iluatsitsilluarneq nuannaarutigisiuk!