Periuseq Proscis ADKAR

Taanna tassaavoq allannguinermi periutsit nutaanerpaat ilaat, ukiuni kingullerni iluarineqartorujussuanngornikuusoq





























Desire – Allannguinissamik piumassuseqarneq
















Allannguinissamut piumassuseq akuutinneqartut allarpassuarni nassaarisinnaavaat. Imaassinnaavoq aqutsisut sallinngorlutik saqqumilaarnerisigut, imaluunniit massakkut inissisimaffimmiiginnarnissap kingunissai pillugit erseqqissaavigineqarnermikkut. Piumassuseqalersitsinerpaasartulli ilaat tassaavoq ataasiakkaat takusinnaagaangassuk allannguinermi angusaqassallutik.















Knowledge – susoqarnissaanik aamma qanoq iliornikkut pinissaanik ilisimasaqarneq
















Ilisimasassat assigiinngitsunik marlunnik pissusillit nalunaarutigissallugit pingaaruteqarpoq:















• Allannguinerup qanoq pinissaa pillugu ilisimasaqarneq – pingaartumik allannguinerup ingerlanerani akuutinneqartumut suut naatsorsuutigineqarnersut pillugit















• Allannguinerup pereernerani akuutinneqartup sunniuteqarluartumik qanoq sulisinnaanera pillugu ilisimasaqarneq















Ilisimasaqarnissamik pisariaqartitsineq inunnut ataasiakkaanut tunngasorujussuuvoq, tassa najoqqutassamik pitsaalluinnartumik nassaassaqanngilaq, kisianni nalinginnaasumik pingaaruteqarpoq sungiusarnissamut aamma ilinniartinneqarnissamut naammattumik neqerooruteqartoqarnissaa. Tamatuma saniatigut ujarlerfiusinnaasumik peqarneq suliniuterpassuarni sunniuteqarluartutut takuneqartarpoq – FAQimut assingusumik, akuutinneqartut pisariaqartitsinertik naapertorlugu paasissutissanik pissarsiffigisinnaasaannik.















Ability – allannguinerup naammassisinnaanissaanut piginnaasaqarneq
















Matumani pineqartoq tassaavoq akuutinneqartut allannguinermik piviusunngortitsisinnaanerat. Tassa piffissaq pisariaqartinneqartoq atugassiissutigineqarnersoq, atortussat (tamanna piumasaqaataappat) pisariaqartinneqartut pissarsiarineqarsinnaanersut aamma suleqatinit, imaluunniit allanit allannguinermik aqqusaagaqareersimasunit ilikkagaqarnissamik periarfissaqarnersoq. Akuutinneqartup misigiguniuk, assersuutigalugu naammattumik piffissaliisoqarsimanngitsoq, taanna suleriaatsinik atuutereersunik attassiinnaqqajaanerussaaq, maannamut sukkassutsini atorlugu suliaminik tunniussaqarsinnaajumalluni.















Reinforcement – allannguinerup akuersaarnissaa aamma aalajangiusimanissaa















Allannguinermi iluatsitsineq akuersaarneqanngippat, aamma allannguinissap suliarinerani paasineqartunik pissusissamisuunngitsunik naleqqussaasoqanngippat, taava allannguineq akerlilersorneqalersinnaavoq. Taamaattumik pingaaruteqarpoq iluatsitsinerit ”nalliuttorsitigissallugit” aammalu nersualaarinnissalluni, ilutigitillugulu allannguineq sioqqullugu, suliarinerata nalaani aamma pereernerani misilittakkat katersorneqarlutik.















Aamma suliap killiffiani tassani isumagineqassaaq nalornisut allannguinermut ilanngutitissallugit.