Internettimi aamma paasissutissiisarnermi isumannaatsuutitsineq

Innuttaasunut ataasiakkaanut, suliffeqarfinnut aamma pisortat sullissiviinut IT-eqarnikkut  attuumassutilinnik aarlerinaatit amerliartorput. Digitalimillu systeminut avataaniit ajutoortitsiniutit ukiut kingulliit amerlanngitsut ingerlanerini siammarnerullutillu sakkortusiartorput.

Suliassaqarfiit amerlarnerujartuinnartut digitalinngortinneqarput, tamannalu inuiaqatigiit atugarissaartut ineriartortinneqarnerisa ingerlateqqinneqarnissaannut pingaarutilimmik inissisimavoq. Ilanngullugu pingaaruteqarpoq attaveqaateqarnikkut paasissutissiisarnikkullu isumannaallisaanerup ataavartumik pitsanngorsartuarnissaa, aammalu ineriartortittuarneqarnissaa.
Digitalimik atortulersuutit illersorneqassapput. Tamatumani pisariaqarpoq attaveqaateqarnikkut paasissutissiisarnikkullu isumannaallisaanerup aqutsisoqarnikkut suliarineqarlunilu pingaartinneqarnissaa.

Digitalimik Sullissinermut Aqutsisoqarfik Naalakkersuisunit piginnaatinneqarpoq nuna tamakkerlugu attaveqaateqarnikkut aamma paasissutissiisarnikkut isumannaallisaanermi upalungaarsimasunik pilersitsissalluni, suliassarlu siulleq aallartisarneqareerpoq. Suliffeqarfiit peqatigalugit ataatsimeeqatigiinnissaq 2015-ip ukiaani pisussatut pilersaarusiorneqarpoq, nuna tamakkerlugu attaveqaateqarnikkut aamma paasissutissiisarnermi isumannaatsuutitsinissamut periusissiassap ineriartortinneqarnissaa sammineqassalluni.

Ilutigitillugu Digitalimik Sullissinermut Aqutsisoqarfik kalerrisaarinermik suliaqarsinnaasussamik misissuilluni aallartippoq, nunarsuarmi pisunik malinnaasinnaasussamik taamalu pitsaaliuineq siunertaralugu suliffeqarfinnut nalunaaruteqartarsinnaasussamik. Aaqqiissutissamut tamatumunnga 2015-ip naalernerani saqqumiussinissaq naatsorsuutigineqarpoq.

National strategi for cyber- og informationssikkerhed (decemberi 2014)

Anbefalinger til styrkelse af sikkerheden i statens outsourcede it-drift (augusti 2014)

Cyberforsvar, der virker (decemberi 2013)

 

Pisut



IT-eqarnikkut isumannaallisaaneq:
Plakatit atorlugit paasititsiniaaneq 2014
Plakatit takukkit 


IT-mik atuisunut
E-læring-i
Takutitassiat takukkit

Namminersorlutik Oqartussani
IT-qarnikkut isumannaallisaaneq
Filmi takuuk