Cloud Computing Nunani Avannarlerni

Nunat Avannarliit akornanni pisortat sullissiviini Cloud Computingimik atuineq pillugu Nordisk Ministerrådi suliaqarfinnik assigiinngitsunik aallutaqarpoq, tamanna periarfissagissaartutut  nalilerneqarmat.

Aningaasarliornerup kingunerisaanik pisortat ingerlatsiviini aningaasat atugassat killeqarput, taamaattumillu IT-mik atuinermi pisariillisaanissaq ineriartortitsinissarlu pisariaqartinneqarluni. IT-mik ingerlatsinermi aserfallatsaaliuinermilu aningaasatigut ileqqaarutissanik Cloud Computing tigussaasunik periarfissaqartitsivoq.

Tamatuma saniatigut Cloud Computing IT-eqarnikkut annertunerusumik pisariillisaanissamik periarfissaqartitsivoq, tamannalu nutaaliornissamik inerisaanissamillu periarfissiivoq. Aammattaaq Cloud Computingimik atuineq servereqarfimmi sarfamik atuinermik annikinnerulersitsisinnaavoq.  

Nordisk Ministerrådip ataani qarasaasialerinermi pisortat naapeqatigiittarfiat filminik sisamanik suliaqartitsivoq, Nunat Avannarliit akornanni pisortat sullissiviini qanoq Cloud Computingimik atuineq pillugu imalinnik. Tamatumani isumassarsiornissaq aammalu periarfissamik allat atuilernissaannik kaammattuinissaq siunertarineqarluni.

Cloud Computing pillugu annertunerusumik paasisaqarit, filmillu takullugit
(filmit danskisuujupput)