Ilusilersugaaneq - Cloud Computing

Inatsisitigut tunngavissat

Cloud Computingi nunarsuaq tamakkerlugu atugaaleraluttuinnarpoq. Kisianni inatsisitigut piumasaqaatit suut, Cloudimik aallartikkuit, malissavigit?

Pisortani namminersorlutillu ingerlatsivinni Cloud Computingimik atuilernissami aporfiit annersaasa ilagaat inatsitsit malittarisassallu sorliit eqqumaffigineqarnissaasa nalornissutigineqarnerat. Inunnut paasissutissat Cloudimik periarfissiissutit atorlugit qanoq suliarineqarnissaat pingaartumik nalornissutigineqarpoq.  

Cloudimi periarfissiissutit atornissaannut pineqartorpiami inatsisitigut piumasaqaatit suuneri pillugit akissutissamik nassaarfigineqarsinnaasumik ilitsersuummik suliaqartoqarnikuuvoq.

Ilitsersuummi ilaatigut nassuiarneqarput:

  • inunnut paasissutissat pillugit inatsimmi piumasaqaatit, aamma inunnut paasissutissat pillugit suliaqarnermi Cloudimik atugassiissummik atuinissamik kissaateqaraanni suut eqqumaffigineqarnissaannik takussutissiaq. Inunnut paasissutissanut inatsimmi (aamma tassunga tunngatillugu isumannaatsuutitsinissamut nalunaarummi) Cloudimik periarfissiissummik atuinermi paasissutissat suut killeqanngitsumik tuniniaasumut tunniunneqarsinnaanerat killilerneqarpoq.  
  • Cloudimik atugassiissummik atuerusukkaanni inatsisit allat attuumassutillit eqqumaffigineqartariaqartut, assersuutigalugu naatsorsuuserinermi inatsisit. Inatsisini taakkunani piumasaqaataavoq naatsorsuuserinermi takussutissiat nunagisami toqqortarineqarnissaat. Tassalu  naatsorsuutinut takussutissiat Kalaallit Nunaata avataani inissisimasumut serverimut inissinneqarnissaat tunngaviusumik inerteqqutaavoq.  
  • Cloud Computingimik isumaqatigiissusiornermi attuumassuteqartunik isumaqatigiissusiornermut tunngasunik eqqumaffigineqartariaqartunik takussutissiaq. Ilitsersuutip ilaa taanna isumaqatigiissusiornermut attuumassutilinnik arlalinnik pisariitsumik takussutissiivoq, Cloudimik atugassiissummi pineqartorpiami tunniussisumut isumaqatigiissusiornermi malittarisassatut atorneqartussatut attuumassuteqarsinnaasoq.  

Inunnut paasissutissat suliarineqartarnerat pillugu inatsit Kalaallit Nunaanni maannakkorpiaq inatsisaanngilaq, taamaattumillu Cloud Computingimut allanik piumasaqaateqarpoq.

Annertunerusumik paasisaqarusukkuit Digitalimik Sullissinermut Aqutsisoqarfik attavigiuk.