Cloud computing

Cloud computing IT-eqarnikkut kiffartuussissutaavoq

IT-mi tunisassianik pisinissamut taarsiullugu kiffartuussissutinik aalajangersimasunik pissarsiniarluni atuinermut akiliisoqartarpoq, internettikkut tunniunneqartartunik.

Filmit "Hvad er cloud computing?" aamma "Hvorfor cloud computing?” takukkit
(Filmi danskisuujuvoq).

Qangaanerusutut IT-eqarnermi tunisassiaq tigussaasutut allatulli pisiarineqarlunilu tuniniarneqartarpoq.  Assersuutigalugu pisisartoq serverimik softwaremilluunniit pisiguni pisiani pigilertarpaa. Cloud Computing atorlugu IT tunisassiamiit kiffartuussissutitut atorneqalerpoq, internetti aqqutigalugu akiliilluni pisartakkatut tunniunneqartarluni.

Cloud Computingimut assersuutigineqarsinnaapput e-mailimut kiffartuussissutitut akiliilluni pisartagaq, imaluunniit serverimik toqqorterivigineqarsinnaasumik atuisinnaaneq. Cloud Computingip atorneratigut periarfissat aporfissallu suunersut suli oqallisaasorujussuuvoq.

DK-mi Digitaliseringsstyrelse filminik naatsukullannik marlunnik suliaqarnikuuvoq, Cloud Computingip suuneranik nassuiaatinik aamma Cloud Computingimik atuinermi pitsaaqutit suuneri pillugit imaqartumik.  

Inunnut paasissutissat Kalaallit Nunaanni suliarineqartarnerat pillugu Nalunaarsuisarnermi inatsisit 1978-imeersut tunngavigalugit malittarisassiuunneqarput, ilaatigullu paasissutissat nalunaarsuiffimmi tigussaasumik inissisimanissaat aalajangersarneqarluni, tamaattumillu Cloud Computing tamatumunnga atussallugu massakkuugallartoq Kalaallit Nunaanni periarfissaanngilaq.    

Inunnut paasissutissat suliarineqartarnerat pillugu inatsit atuutilerpat maanna suleriaaserineqartoq ammaanneqassaaq, nunatut isumannaatsutut akuersineq killeqarfiit akimorlugit paasissutissanik avitseqateqarsinnaanermik periarfissaqartitsilissammat.  

Inunnut paasissutissat suliarineqartarnerat pillugu inatsit pillugu Kunngip peqqussutaa politikkikkut suliarineqassaaq 2015-ip ukiaanerani ataatsimiinnermi.