Kalaallit Nunaanni Digitalimik Sullissinermut Aqutsisoqarfik

IT-eqarnermik, inuiaqatigiinnik aamma tusagassiuuteqarnermik soqutigisaqarpit?


Kalaallit Nunaanni pisortat ingerlatsiviini digitalimik ineriartortitsineq ingerlarsorpoq, taamaattumillu inunnik pikkorissunik ujarlertuarpugut.  
Suliassatigut unammilligassanut aamma issittumi misigisassarsiornissamut piareersimaguit, Nuummilu suleqatigiit akornanniikkusullutit – taava illit pillutit, aamma siunissami pilersaarutitit pillugit annertunerusumik paasisaqarfigerusuppatsigit!

Kalaallit Nunaat qaaqqusivoq!

Aamma nipituumik suaartarpugut! – Kalaallit Nunaanni IT-eqarnikkut inerisaanissamik suliaqarusulluinnartunik atorfissaqartitsivugut.   

Ilinniarninnut atatillugu Nuummiigit, imaluunnit atorfimmik qinnuteqarit. Digitalimik Sullissinermut Aqutsisoqarfik suleqatit pikkorissut qanimut suleqatigalugit immikkuullarissumik kulturikkut pissanganartorsiorfiusumi sulinissamut periarfissamik neqerooruteqarpoq.

Nammattakkat sulinikkut misilittakkanik, attaveqaatinik nutaanik, qaqqanik aamma silaannarimmik immerneqassapput. Aamma suliassaqarfinnut atasumik inuttut suliatigullu ineriartortissallutit.  

Kikkuuvugut?

Digitalimik Sullissinermut Aqutsisoqarfik 2013-imi pilersinneqarpoq, nunalu tamakkerlugu digitalinngortitsinissamik periusissiaq aallaavigalugu suliniutinik arlalinnik aallartitsinikuuvugut, nunap nutaaliaasup imminut napatinnissaanut pisariaqartinneqartunik siuarsaataasumik, atugarissaarnermik aamma inooqatigiinnikkut ineriartornermik pilersitsiviusunik.


Suliffeqarfiit nittarsaassinissaanni 6.-9. novembarimi pisussami naapitsigut, ilinniarninnullu atatillugu akuunissannut imaluunniit atorfininnissaq siunertaralugu annertunerusumik paasisaqarlutit


Ukioq manna suliffeqarfinnik nittarsaassinissaq Kalaallit Illuutaat sisamaasut suleqatigalugit ingerlanneqassaaq – kikkulluunniit alakkarterinissaminnut tikilluaqqusaapput. Apeqqutit akinissaannut piareersimassaagut, illillu siunissamut pilersaarutitit pillugit assut paasisaqarfigerusuppatsigit.


Utaqqisinnaanngilatit?

Aqutsisoqarfik suliavullu annertunerusumik paasisaqarfigikkit, imaluunniit mailikkut / oqarasuaammut +299 34 64 12-imut attaveqarfigitigut.