Piginnaasanut digitalikkut aallaavik – misileraalluni suliniut

Naalakkersuisut digitalinngortitsinermut periusissiaanni pilersinneqartussatut siunniunneqartoq aallaavigalugu nuna tamakkerlugu elektroniskimik ilinniarnermut aallaavik (e-læringsplatform) saqqummiunneqassaaq, sisamanngorpat 19. novembari. Suliffeqarfiit e-læringsmodulinik namminneq atugassaminnik, imaluunniit allanik avitseqateqarlutik atugassaminnik periarfissaat tassani pingaarnerutillugit sammineqassapput.

Najukkani suliffeqarfiit e-læringsmodulinik ineriartortitsillutillu tuniniaasinnaanerat suliniutikkut ammaanneqassaaq. Peqataasunit oqaaseqaatit tamakkerlugit misileraalluni suliniummut ilanngullugit tusarniaatitut aqutsisoqatigiinnut ingerlanneqassapput.  

Qaaqqussut takuuk, uani – suliffeqarfinnut, peqatigiiffinnut suliniaqatigiiffinnullu assigiinngitsunut taanna nassiunneqarpoq.

Aaqqissuussinermut internetti aqqutigalugu peqataanissaq aamma periarfissaavoq. 
Apeqqutissaqaruit oqaaseqaatissaqaruilluunniit suliniummi aqutsisoq Vibeke Lund attaveqarfigisinnaavat vvibl@nukissiorfiit.gl - Nukissiorfinnut aggialluarisi. 

Nukissiorfiit aamma Digitalimik Sullissinermut Aqutsisoqarfik