Namminersorlutik Oqartussani ESDH

F2-mik atuisut maanna 483-ipput!

F2-p atuutilersinneqarnerani immikkortoq siulleq naammassingajalerpoq, aammalu Namminersorlutik Oqartussani IT-mik atuisut tamarmik – ikittuinnaat pinnagit – atassuserneqarput. Atuisunik misissuineq nassiussuunneqassaaq, ilikkarniarneq siuarsarniarlugu aamma atuutilersitsinerup iluatsilluarnissaa qulakkeerniarlugu.

Atorfilippassuit angummaffiginiarlugit ullut tamarluinnarmik annertuumik unammillerfiusarput – atuinissamik pisariaqartitsinerat atuisinnaanerallu assigiinngiiaaqisut – taamaattumik suliniutit amerlasuut ingerlapput, ilaatigut atuisunik misissuineq, ilinniartitsinernik aammalu periutsip pisariaqartinneqarnerata ersarinnerulernissaanik F2-mi suleqatigiinnut ikiuutaasussaq.

Immikkoortoqatigiinni tamani tamakkiisumik malinnaatitsineq  
Aqutsisunut immikkut sammisaqartitsinernut atatillugu F2-mi suleqatigiit immikkoortoqatigiinnut tamanut pulaarput, atuutilersitsinerup ingerlanneqarnerani tamakkiisumik malinnnaatitsinermut tunngatillugu. Nalunaarsuisarnermut ilitsersuummut, aamma ujarlerfigineqarsinnaanngortussat pillugit immikkoortoqatigiit suliassaannut tunngasut skærmi angisooq atorlugu taakkunani oqaluttuarineqarlutik.

Namminersorlutik Oqartussat immikkoortortai kisimiinngillat
Peqqissutsimut Pitsaaliuinermullu Aqutsisoqarfimmi IT-mik atuisunik sivikitsumik misileraatitsereernerup kingorna immikkoortoqatigiit F2-mut atassuserneqarnissaminnut akuersipput, F2-milu suleqatigiit  qaammammi uani ilinniartitsinissaminnik pilersaarusiorput.