Naapisimaarneq pitsaasumik inerneqarpoq

Digitalimik Sullissinermut Aqutsisoqarfimmi sulisui ullaakkut marlunngornermi aggertunut tamanut tikilluaqqusipput. Akunnerit marluk saqqummiisoqarpoq sakkussanik arfinilinnik assigiinngitsunik.

Isertut kaafiuserlutik angalaarput nassuiaasoralugit, Aqutsisoqarfiup ilinniartui marluk Max aamma Ivalo, isumagaat asiiliineq apeqqutinillu immersuitittineq.  

 

Saqqummiunneqartut ilagaat Lync Attaveqaqatigiissinnaanermut atugassiaq, Aqutsisoqarfiup iluani imminut attaveqaqatigiilluni oqaluunnermi, imminut qarasaasiakkut avitseqatigiinneq, imminullu allaqatigiissinnaanerlu qanoq ingerlasarnersut nassuiaanneqarput.  

Sukkasuumik eqqartuineq projetimik aqutsisinnaanermut tunngatillugu atilik Project Flow paasititiissutigineqarpoq qanoq projekti ingerlataq aqunneqarsinnaanersoq,angusassat nalunaarsinaannerlu aqutsisunut paasissutigineqarlutik.

Digitalimik Sullissinermut Aqutsisoqarfiup najoqqutassiaat Processtyring imarisarivai ilusilersuineq pitsaanerpaamillu sulissutigisaqarsinnaaneq,  tamanna saqqummiunneqarpoq systemeq Rapid Value atorlugu – Rapid Value tassaavoq suliaqarnermut toqqorsivik ilusilersuisinnaalluni, sulianillu avitteqqatigiissinnaaneq.

Ullormiit ullormut sulisut nalunaasiutaat allanngortarpoq, Suli Center-illu takutippaa qanoq sapernanngitigisumik nutarsarneqartarnersut, sumiifimmi ataatsimi, saniatigullu automatiskimik paasissutissat allanut ingerlateqqittarlugit.

Nalunngilarput Namminersorlutik Oqartussat intranettiat, ullut tamaasalu atuarneqartarput nutaarsiassat naatsut, kisianni Nanuaraq annertunerusumik pisinaasaqarpoq. Sakkussat assigiingitsut nassaarineqarsinaapput aammalu qanoq Nammnersornermik Oqartussat iluseqarnersoq paasissutigineqartarluni. Siunissamilu paasissutissamik assigiingitsunik nassaarfissatut atorsinaalluni.

IRIS taanna elektroniskimik faktura-nik aqutsisuuvoq. Systemeq Namminersornermik Oqartussani atorneqarnerpaajusoq. IRIS-imi saqqummiunneqartuupput pisinnaassai takutineqarlunilu IRIS qanoq ingerlalluartiginersoq eqqarsaatigissagaanni aningaasanik aqutsisarneq tungaatigut.

 

Tamatta paasisaqarnerulaarluta Naapisimaalaarnermiik anivugut, sakkussat assigiingitsut arlallit oqinnerusumik sulinissamut siunertarititaasut nassarlugit.

Qujanaq aggertunut tamanut, immersuisunullu apeqqutinik, neriuppugut tutsaqassasusi Systemimullu ikisussaasumut attaveqassasusi paasisaqarnerusukkussi.

Systemimut Akisussaasut:

Lync: Digitalimik Sullisinermut Aqutsisoqarfik / Project Flow: Digitalimik Sullisinermut Aqutsisoqarfik
RapidValue: Digitalimik Sullisinermut Aqutsisoqarfik / Suli Center: ASA
Nanuaraq Informationskontoret / IRIS: Den Centrale Regnskabsafdeling


Takoqqissaagut naapisamaarneq tullianut!