DIA-p attaveqaqatigiinnermut aallaavissaq nalilersorlugu misissorpaa

Microsoft Lync ataatsimut pisortat videoliornermut aallaavissaattut toqqarneqarpoq.

Lync Peqqissutsimut Pinaveersaartitsinermullu Aqutsisoqarfimmi angusarissaarfiusimavoq, Nuummi sinerissamilu atuisunit 400-t missaannit atorneqarluni. Maannakkut DIA-p Lync nalilersorlugu misissulerpaa Namminersorlutik Oqartussanut kommuninullu ingerlateqqinnissaa siunertaralugu. Naatsorsuutigaarput nalilersuilluni misissuineq 2014-imi februaarip naanerani naammassineqarsimassasoq. Misiliinerup ingerlanerani nalilersuilluta misissuereerutta allanut ingerlatitseqqinnissaq uterfigissavarput.

 

Peqatigitillugu DIA Kommune Kujallermi misiliilluni suliniuteqarnissamik aallartitsilerpoq, ilaatigut Innuttaasunik sullissinermut tunngasut sammineqassallutik. Neriuutigaarput tamanna kommunini allani Lyncimik atuilernissamut malitassatut suliniutaassasoq.

 

Apeqqutissaqaraanni oqaaseqaatissaqaraanniluunniit attaveqarfigineqassaaq DIA emailikkut, digitalisering@nanoq.gl

 

Piviusut

Lync MS Office ataatsimoortitaasa ilagaat taamaammallu office programminut allanut eqqaanarluni.

Lync chaternermut aamma videokkut oqaasiinnartigullu oqaloqatigiinnernut, allakkiat ilaannut illilluunniit qarasaasiami isigisavit allanut takutinnissaannut.