Pisariillisaaneq: ERP suliniummi aningaasaqarnermik aqutseriaatsimi misiliilluni isummersoqatigiinneq

Decembarimi misiliilluni isummersoqatigiiqattaartoqarpoq, taakkunani Microsoftimiit aaqqiissutissaq: AX2012, erseqqinnerusumik misissuiffigineqarluni.

Misiliilluni isummersoqatigiinnerni AX2012-imik periaaseqarnerup aningaasaqarnermik suliallit aqutsisullu pisortat ingerlatsiviinit assigiinngitsuneersut ulluinnarni suleriaasiannut iluaqutaa-sinnaanera sammineqarpoq. Misileeqataapput Kalaallit Nunaanni Namminersorlutik Oqartussa-ni Kommuneqarfik Sermersuumilu sulisut pisortallu tullersortaat apeqqutinillu akisilluni immer-suiffissakkut takuneqarsinnaavoq isummersoqatigiinnermut peqataasut 88 procentii allanngor-nernik suliniutip kingunerisassaatut naatsorsuutigineqartunik iluarinnittut.

Periaatsinik misiliineq marloqiusanngorlugu ingerlanneqarpoq, paasissutissat uppernassusillit suleriaatsillu sammineqarlutik tullianilu pitsaasumik aalajangiisarnerit sammineqassallutik.

AX2012-imik pisortat ataatsimoorullugu aningaasereriaasiattut nalilersuineq misileraanerlu kommunini allani januaarimi februaarimilu nanginneqassaaq.

Pisariillisaaneq/ERP Suliniut, IT-mik suliniutit angisuut ilagaat, Digitaliseeriinermut Aqutsiso-qarfiup peqataaffigisaa tassanilu pineqarluni pisortat ataatsimoorullugu aningaasaqarnermik aqutseriaasissaannik piviusunngortitsiniarneq.

Suliniuteqarnermi toqqaaniarluni sulissuteqartoqareerneratigut Microsoftip aaqqiissutissaa erseqqinnerusumik misissorniarneqarpoq.