Naapeqatigiikkasuarneq iluatsittoq

Kommunit, suliffeqarfiit, kattuffiit aammalu Namminersorlutik Oqartussat immikkoortortaqarfii pingasunngornermi oktobarip 30. Digitalimik sullissinermut Aqutsisoqarfiup naapeqatigiikkasuarnissamut qaaqquvai. Taanna Vittus Qujaukitsumit, Aningaasaqarnermut Nunamullu Namminermut Naalakkersuisumit aallartinneqarpoq, taassuma Ilulissaniit mobilikkut Kalaallit Nunaanni digitalimik sullissilernissami aqutsisoqarfiup suliassaatut takorluukkat oqaluttuaralugit. Aamma Telep pisortaanera Michael Binzer, inuiaqatigiinnut kalaaliusunut periarfissaasut piviusunngortinniarnerini suleqatigiinnerup nukittorsagaasup pingaaruteqarnera pillugu saqqummiussivoq.

Aqutsisoqarfiup pisortaa Dorte Bøge Sørensen oqalugiartut naggaserpai, napeqatigiikkasuarneq iluatsillugu sapinngisamik amerlasuut ilasseqqullugit, taamaaliornikkut suliffeqarfinni allani atassuteqarneq pilersillugu. ”Inuit naapeqatigiinnissaat oqaloqatigiinnissaallu matumani siunertaavoq.”

Naapeqatigiikkasuarnermik aaqqissuussinerup siunertaraa, sullississutit assigiinngitsut, Digitalimik sullissinermut Aqutsisoqarfiup avatangiisiminik suleqatigiissutissatut neqeroorutigisai, minutsit 3 atorlugit saqqummiutissallugit. Saqqummiussinerit assigiinngitsut takuniarlugit – imaluunniit yakoqqinniarlugit – una tooruk. Digitalimik sullssinermut Aqutsisoqarfik juicemik nutaamik sassaallivoq taavalu siunissamik suleqatigiinnissaq pillugu sulisunik oqaloqateqarnissaq periarfissiullugu.

Peqataasoq kingorna allappoq: ”Ullumikkut aaqqissuussineq nunanneqaaq! IlaatigutiInuit kiinarsillugit, ilaatigullu sunik pisoqarneranik tusagaqarluni ilaatigullu ilisarisimasaqalerluni, tamatta digitaliusunik soqutigisaqarnerput tunngavigalugu.”

Peqataasut aammattaaq Digitalimik sullissinermut Aqutsisoqarfiup sullississutaanik eqquinitissamik tunineqarput. Tamanik eqquilluni akissuteqartoq headset-inik akissarsitinneqarpoq, tassaasoq Stineq Enemark.