NemID-mik nutarterineq

NimID-imik tunniusseriaatsit kommunit ukiut tamaasa novembarip qammataani tamanut atuuttumik kinaassuusersiorneqartaqanngitsumillu nutartertartussaavaat. Tamanna kommunit Nets-DanID-mik isumaqatigiissutaannut ilaavoq.

Nutarterinerup ingerlannissaa kommunit akisussaaffigaat. Kisianni nutarterinerit assigiiaartuunissaat tamakkiisuuissaallu qulakkeerniarlugu, Sullissivik suleqatigalugu nutarterinerup akeqanngitsumik ingerlannissaa Digitalimik Sullissinermut Aqutsisoqarfiup neqeroorutigaa.

Nutarterineq sap. akunnerini 46-48-ni kommunit illoqarfittut pingaarnerini ingerlanneqassaaq, ilutigitillugulu RA-mi sulisunut pikkorissaqqinnissaq neqeroorutigineqarpoq. Kommunit taamaallaat sulisut pikkorissartussat amerlassusissaat, sumilu ilinniartitaasinnaaneri, ilisimatitsissutigissavaat.

Ukiumoortumik nutarterineq tamanut atuuttuuvoq, kisianni Digitalimik Sullissinermut Aqutsisoqarfiup neqeroorutaa atussanerlugu kommunit namminneq aalajangissavaat. Periarfissatut allatut BDO-mi nutarterisartut, pisarnerut akeqartillugu, suliassaq ingerlatissallugu neqeroorutigaat. Novembari 2013 naatinnagu nutarterineq ingerlanneqareersimassaaq Nets-DanID-mullu nassiunneqarluni.

Nutarterineq pillugu itinerusumik paasissutissanik isumaqatigiissuteqarnissamullu, Digitalimik Sullissinermut Aqutsisoqarfimmi Jes Frederiksen 34 64 42 imaluunniit jefr@nanoq.gl atorlugit atassuteqarfigiuk