IKT-mut suleriaasissaq

Anguniagaasoqi: Paasissutissiinermut attaveqaqatigiinnermullu teknologii IKT nuna tamaat attaveqarnissamut tunngaviliinermut ajunngitsumik ilanngussivoq nunarsuarlu tamakkerlugu inuiaqatigiit inerikkiartornerannut sammisumik tunngaviuvoq, siuariartornerup atugarissaarnerullu anguniarneranni atortuusoq pingaaruteqartoq.

Iliuusissaq Naalakkersuisunit akuerisaavoq ukiunut 2011-miit - 2015-imut. IKT-mut suleriaasissamik pingaarnertut siunertaasoq tassa inuiaqatigiit inerikkiartornerannik aqunneqartumik ataqatigiissaarneqartumillu tapersersuineq, taamaasilluni siunissami IKT-p iluani aningaasaliinerit annertunerpaamik iluaqutaasumik sunniuteqarluarniassammata.
Paasissutissiinermut Attaveqaqatigiinnermullu Teknologi (IKT) siuariartornerup atugarissaarnerullu anguniarneranni pingaaruteqartumik atortuuvoq. Toqqammavik, Kalaallit Nunaata iluani nunarsuullu sinneranut attaveqarnissamut ajunngitsumik tunngavissaq, pigineqareerpoq – maannakkullu anguniakkanik angusiniarnissamut atorluaanissaq kisimiilerpoq.

Pisortaqarfimmik sunniuteqarluartumik, ataatsimullu isiginnittumik ataqatigiissumik, aaqqissuussinermut tunngasutigut immikkoortoqarfiit tamaasa aqqutigalugit suleqateqartumik innuttaasut misigisaqassapput. Pitsaanerusumik innuttaasunik ilaatigut sullissinermik kiisalu pisortatigut allaffissornermik piuminarsaanerit ilaatigut qarasaasianik atuinerit aqqutigalugit pilersitsisoqassaaq.
Periusissap akuerineqarnera sioqqullugu kommuninut, sulisoqarnermi kattuffinnut, suliffeqarfinnut aamma Namminersorlutik Oqartussani qitiusumik immikkoortortaqarfinnut tusarniaasoqarsimavoq. Akissutit ersersippaat periusissap tapersersorneqarluarnera aalajangersimasunillu ilanngussinissamik neqerooruteqartoqarnera. Kisianni periusissap atuutilersinnissaanut tunngatillugu isornartorsiutinik ajunngitsussarlu anguniarlugu siunnersuutinik saqqummiussisoqarpoq. Taamaattumik tusarniaanermi akissutit periusissap piviusunngortinnissaata piareersarneranut ilanngunneqassapput.
Attavigissaarneq maanna ugguuna pineqarsinnaalerpoq.