Peqqissutsimut tunngatillugu nittartagaq - peqqik.gl

Peqqinnissaqarfimmit siunnersuutit, ilitsersuutit aamma attaveqarfissanut paasissutissat maanna ataatsimut katersorneqarput

Peqqik.gl nittartagaavoq peqqinnissaqarfiup paasissutissaataanik ataatsimut katersuiffiusoq. Naartuguit, pujortassaarusukkuit imaluunniit angalaninnut atatillugu sillimmaserniaruit tassani siunnersorneqarlutillu ilitsersorneqarsinnaavutit.


Peqqissuseq
peqqik.gl–mi aallartippoq
Sumiiffinni kigutileriffiup oqarasuaataata normua nassaariniarukku, imaluunniit ulluinnarni timippit atornerulernissaanut isumassarsiorniaruit tamakku tamaasa peqqik.gl-imi nassaarisinnaavatit – tassani misilitsissutit kinaassutsimik isertuussiffiusut nassaassaapput, assersuutigalugu imigassamik atuinerit pillugu apeqqutinik akisiffigisinnaasannik, ileqqunillu pitsaanngitsunik qanoq qaangiiniarsinnaaninnik siunnersorneqarlutit.


Nutaarsiassat, quppersagaaqqat allarpassuillu
Peqqinnissaqarfimmit nutaarsiassanik atuarsinnaavutit, nunalu tamakkerlugu peqqissutsimik isumaginnittoqarfiup ingerlaneranik malinnaallutit. Nittartagaq aamma ataavartumik atortunik periarfissiisutinillu ilaartorneqartuarpoq, taamaattumik peqqik.gl nittartagaavoq uummaarissoq, innuttaasut kissaataannik ataavartumik tulluarsaaffiusoq.

Klasseni atuartitsinermut imaluunniit sunngiffimmi unnukkut atuartitsinermut atugassannik quppersagaaqqanik, atortussanilluunniit allanik inniminneerusukkuit taanna aamma nittartakkami nassaarisinnaavat.