Pitu logo

Killiffik

02-10-2018
PITU-mut tunngatillugu septemberimi ataatsimiisitsinermi eqeersimaartumik peqataanissinnut qujarusuppugut.
Ataani takusinnaavat kingullermerniit susoqarsimanera:
  • Paasissutissanik agguaassutit (CVR, CPR, Sumiissusersiut, Pigisat) 2018-imi oktoberip ingerlanerani Pitu-mut atassutilerneqassapput. Anguniagaavoq Pitu-kkut Paasussutissanik agguaaneq pisortatigoortumik 2018-imi decemberiutinnagu atorsinnaalernissaa. 
  • Malittarisassat isumaqatigiissutillu piareernissaat sulissutigaagut
  • Misiliummik ingerlatinermiit, piviulernissaanut ingerlariaasissaq pilersaarusiorparput
  • Tulliuttuni iliuusissat makkuupput:
    • Pitu-mut teknikkikkut aaqqiinissamut pisiortorfimmiit isumaqatigiissutit inissinniarneqassapput
    • Maanngaanniit Pitu-mut tapersorsuisinnaasartussamik pilersitsineq
    • Ilinniartitsineq
Pitu pillugu apeqqutissaqaruit, qinnuigissavatsigit pitu@nanoq.gl aqqutigalugu aperissasutit.

 

Pisortat ataatsimoorussamik platform-iat paasissutissanik paarlaasseqatigiittarnerni - Pitu

Naalakkersuisut pilersinniarpaat ataatsimoorussaq ineriartortitsiviusussaq aallaavissaq – platformi – inuiaqatigiinni paasissutissanut digitaliusunut atortoq, nunat akornanni nunap iluani nunarsuarmiullu akornanni paarlaasseqatigiiffiusinnaasoq. Suliniut taaguuteqarpoq Pitu.
Pitup qulakkiissavaa paasissutissanut immikkuullarissunut ingerlaavartumik isersinnaaneq, geodatamik periusissiaq assigalugu. Paasissutissat tamatumani pineqartut tassaapput:

  • Geodata aamma NunaGis
  • Paasissutissat tunngaviusut
  • Piniarnermut aalisarnermullu paasissutissat
  • Peqqissutsimut paasissutissat
  • Ilisimatusarnermit paasissutissat
  • Aningaaseriviit paasissutissaataat
  • Kisitsisini paasissutissani kisitsisit qitiusut

Paasissutissat immikkut illersugassat paarlaasseqatigiissutigineqartassapput qularnaatsumik aaqqissuussinikkut, susassaqanngitsunit takuneqarsinnaanatillu sunnerneqarsinnaanngitsumik.


 

Pitu sooruna taaguutaalersimasoq?

Pitu tassaavoq kalaallisut taaguuterput qimussernermi atorneqartartoq qamutit saavanni qimmit anuiniit allunaasap pitunneqartarfia. Pitunneqartarfiup taassuma qamutit qimmillu atassusertarpai. Piuminartumik – kisiannili aamma aalajangiisuusumik atortorissaarut – qularnaarisoq qimmit anuiniit allunaasap qilerfissaanik katersuuffittut, qimussersup qimmiminik sumut siunnerfigisaminut ingerlatsisinnaanissaanut atortorissaarut.
Naalakkersuisut taanna assilianngorlugu assersuut atorpaat kalaallini nutaamik paasissutissanik paarlaasseqatigiittarnermik aaqqissuussinermut.
 
 Pituslaede