Suli.gl Kalaallit Nunaannit tamarmit sulisussarsiortut suliffissarsiortullu nittartakkakkut isaaffiat

Suliffissat suliffissarsiortullu pillugit nittartakkakkut isaaffiat suli.gl nunatsinni innuttaasunut suliffeqarfinnullu tamanut atuuppoq, kiisalu tassani suliffiit sorliit inuttaqannginnersut, nunami sumi inissisimanersut suliffimmilu suna piumasaqaataanersoq misissorluarneqarsinnaassallutik.

Suliffissat suliffissarsiortullu pillugit nittartakkakkut isaaffik aqqutigalugu aamma nunatsinni sulisitsisut nunatsinni suliffissaaleqisut sunik piginnaaneqarnerinik misissuilluarsinnaapput. Suliffeqarfiit sulisussaminnik piginnaasanillu aalajangersimasunik ujaasisinnaapput suliffissarsiortorlu mailikkut/beskedikkut suli.gl. aqqutigalugu toqqaannartumik attavigalugu.




Nuna tamakkerlugu suliffissat suliffissarsiortullu pillugit pisortat nittartakkakkut isaaffiannik pilersitsinikkut pingaartumik Kalaallit Nunaanni nunap immikkoortuinik, sumi suliffissaqarneranik aammalu kalaallinik sulisussanik isumaginnissinnaasunik paasiniaanissamut aaqqiissutaassaaq. Taamaattumik nunatsinni suliffeqarnermi unammilligassat assigiinngitsut arlallit aaqqinneqarnissaannut taanna pingaaruteqarluinnarpoq: 

  • Atorfinnik inuttaqanngitsunik sulisunut nunatsinneersunut suliffissarsiortunut innersuussinissamik qulakkeerinninneq 
  • Suliffissarsiortut piginnaasaannik CV-mik paasissutissaasivik aqqutigalugu sulisitsisunut soqutiginnittunut innersuussineq
  • Inuussutissarsiutini ass. siuariartorfiusuni suliffiit nutaat, nuttarnerulersitsiniarnermut aningaasaliissutit, piginnaanngorsaqqiineq il.il. suliffissarsiortunut attuumassutilinnik paasissutissiineq
  • Sulisitsisunut sulisussanik tikisitsinissamut akuersissummik qinnuteqartunut suleriaatsimik pisariillisaaneq

Sukumiinerusumik paasisaqarusuppit?

Inuussutissarsiornermut, Suliffeqarnermut Niuernermullu Naalakkersuisoqarfik attavigiuk

E-mail: suli@nanoq.gl