Aaqqissuussaaneq

Tunngaviusumik paasissutissanut programi Naalakkersuisut digitalinngortitsinissamut  periusissiaatigut ”Digitalinngortitsineq ingerlatsissutaasutut” ataani pisortat ataatsimoorussamik suliniutigaat
Tunngaviusumik paasissutissanut programi aaqqissuunneqarnermigut suliniutissanik ilaqartinneqarpoq. Programimik aaqqissuussineq toqqarneqarpoq, suliniutit tunngaviusumik paasissutissanut tunngasut imminnut ataqatigiissumik tunniunneqarnissaat pisariaqartinneqarmat. Taamaalilluni suliniutit suleqatigiissutigineqarlutik ataqatigiissarneqarnissaat programip qulakkiissavaa, aammalu siuariartuutit aarlerinaatillu kiisalu tunngaviusumik paasissutissat atuutilersinneqarnerat ilutigalugu malinnaavigissallugit.

Taamaattumik Pisortani Ataatsimoorussamik IT-eqarnikkut Aqutsisoqatigiit (F.O.I.S.) ataanni ataatsimoorussamik tunngaviusumik paasissutissanut aqutsisoqatigiinnik pilersitsisoqarpoq, taamaaliornikkut nuna tamakkerlugu aallaaveqarnissaa qulakkeerneqarluni. Tunngaviusumik paasissutissanut programip pilersaarusiorneqarnera aaqqissuussaaneralu aqutsisoqatigiinnit suliarineqarpoq, programimik ataqatigiissaarineq pingaarneq aamma programimik aqutsinermik suliaqarneq isumagineqarluni, kiisalu suliniutit ilaannik ataasiakkaanik aqutsineq, tunngaviusumik paasissutissanut programip ilaatut suliaqarfigisap atuutilersinneqarnissaanik akisussaaffeqartunik. 

Aqutsisoqatigiit aamma programimik ataqatigiissaarisut tunngaviusumik paasissutissanut programimut aalajangiisartutut atuuffeqarput. Allaffissornikkut tunngaviusumik paasissutissat pillugit allatseqarfimmit aamma aaqqissuussaaneq pillugu suleqatigiinnit, suliniummilu immikkuualuttunik sulialinnit tapersersorneqarput. Tunngaviusumik paasissutissat pillugit allatseqarfiup tunngaviusumik paasissutissat pillugit aqutsisoqatigiit aamma programimik ataqatigiissaarisut sullitarai, tunngaviusumik paasissutissanut programimik ataqatigiissaarinerup aamma aqutsinerup ullut tamaasa qulakkeerneratigut.