Tunngaviusumik paasissutissanut periuseq sunaana

Ataatsimoorussamik paasissutissanut periutsip qulakkiissavaa paasissutissat tunngaviusumik paasissutissanut nalunaarsuiffinnut allanut sanillersuunneqarsinnaanissaat, taamaalillunilu suliarinninnerit pitsaanerusumik suliarineqarnissaannut tapertaalluni

Tunngaviusumik paasissutissat atuisunit sunniuteqarluartumik atorneqarsinnassappata tunngaviusumik paasissutissat assigiissaarlutillu ataqatigiissaassapput. Tamatumani pisariaqarpoq tunngaviusumik paasissutissanut ataatsimoorussamik periuseqarlunilu nassuiaateqarnissaq, tunngaviusumik paasissutissat assigiinngitsut qanoq imminnut attuumassuteqarnissaannut tunngasumik.

Taamaattumik tunngaviusumik paasissutissanut programmi suliniummik assigiinngitsunut attuumassuteqartumik aallartitsivoq, tunngaviusumik paasissutissanut ataatsimoorussamik periutsimik ineriartortitsinissamik siunertaqartumik. Tunngaviusumik paasissutissanut periuseq Digitalimik Sullissinermut Aqutsisoqarfimmit ataqatigiissarneqassaaq programmit ilaanni 7-mi, Tunisassiat assigiinngitsunut tunngasut.

 

Tunngaviusumik paasissutissanut periutsinut malittarisassat:

Paasissutissanut periutsit programmini immikkoortuni paasissutissanik akisussaasunit suliarineqassapput. Periutsit ataasiakkaat imminnut naleqqiunneqarsinnaasunik piginnaaneqarnissaat, aamma imminnut naleqqiunneqarsinnaasunik imaqarnissaat qulakkeerniarlugu tunngaviusumik paasissutissanut programmi ataatsimoorussamik periutsinut malittarisassaliorpoq, tunngaviusumik paasissutissanik suliaqartartut paasissutissanut periutsit qanoq ilusilersussaneraat pillugu, aamma paasissutissanut periutsit sunik imaqarnissaat pillugu imalimmik. Periutsinut malittarisassat maanna version 1.0.0-imi nassaassapput, Tunngaviusumik paasissutissanut siulersuisunit akuerineqarsimallutik.

Siunissami malittarisassanut versioni (version 1.1.0) 2014-imi apriilimi, arlalitsigut naleqqussarneqarluni, saqqummissangatinneqarpoq. Ilaatigut naatsorsuutigineqarpoq paasissutissanut assigiinnut ataatsikkut arlalinnik pigisaqarnermut malittarisassat nutarterneqarnissaat, pisut pillugit nalunaarutinik pilersitsinermi ataatsimoorussamik assigiimmik piginnaasaqarfiit naleqqussarneqarnissaat, kiisalu atortut pisariaqartitat pingaarnerit ilusaasa allanngortinneqarnerat, paasissutissanut periutsit ataatsimoorussat atoqqinneqarsinnaanerat pisariinnerulersinniarlugu.

 



Tunngaviusumik paasissutissanut periutsimut aqutsinissamut tunngavissat pillugit isumaqatigiissut:

Tunngaviusumik paasissutissanut siulersuisut isumaqatigiissummik akuersipput, tunngaviusumik paasissutissanut periutsip ingerlanneqarneranut aamma nutarterneqartuarnissaanut aqutsinikkut tunngavissat qulakkeerneqarnissaat siunertaralugu, erseqqissumik aaqqissuussinikkut aamma akisussaaffinnik agguataarinikkut tunngaviusumik paasissutissanut periutsit aamma periutsinut malittarisassat ingerlaavartumik naleqqussarneqartarnissaannut ikiuutaasussamik. 

Isumaqatigiissutip qulakkeerpaa, tunngaviusumik paasissutissanut periutsimi allannguutit tamarmik oqartussaqarfinnut, tunngaviusumik paasissutissanut programmimut peqataasunut, nalunaarutigineqarlutillu taakkunannga pitsaassutsimikkut qulakkeerneqartarnissaat. Isumaqatigiissutip aammattaaq qulakkiissavaa periutsinut malittarisassat nutarterneqartuarnissaat, taamaalillutik pisoqalisuunnginnissaat aammalu oqartussaqarfiit tunngaviusumik paasissutissanik atuisut, aamma allat paasissutissanik atuisut pisariaqartitaannik naammassinnissinnaaqqullugit.  

 

Isumaqatigiissummi aalajangersarneqarpoq:

• Aaqqissuussineq aamma akisussaaffik

• Tunngaviusumik paasissutissanut periutsinik nutaanik akuersisarnermut periuseq

•Periutsinut malittarisassanik nutaanik akuersisarnermut periuseq

 

Tunngaviusumik paasissutissanut periutsinut malittarisassat atulernissaannut pilersaarut:

Pilersaarummi siunertarineqarpoq “Tunngaviusumik paasissutissat pillugit periutsinut malittarisassat” tunngaviusumik paasissutissanut programmimi tamarmi atorneqalernissaat. Isumaqatigiissut aammattaaq tunngaviusumik paasissutissanut programmimi paasissutissanut periutsinut piffissalersuutinik tamakkiisumik ataatsimoortitanik imaqarpoq.

Paasissutissanut periutsinik suliaqarnermi atortutigut iluaqutit:

Paasissutissanut periutsinik suliniutinik nutaanik aallartitsinermut oqilisaataasussamik periutsinik suliaqarnermi atortunik atuinermut ilitsersuutinik, aamma aallartitsissutissanik, saqqummiussinissani, 2014-ip upernaavani, pissasoq periutsinut allatseqarfiup ilimagaa.   

Allatseqarfik soorunami ikiuunnissaminut ilitsersuinissaminullu piareersimajuassaaq.