Tunngaviusumik paasissutissat suuppat?

Pisortat innuttaasut, suliffeqarfiit, illuutit, najugaqarfiit il.il. pillugit tunngaviusumik paasissutissa-nik arlalinnik nalunaarsuissapput. Paasissutissat tunngaviusumik paasissutissanik taaneqarput pisor-tanilu tamanit atorneqarlutik. Tunngaviusumik paasissutissat ajornanngitsumik isumannaatsumillu tamanit atorneqarsinnaassapput - oqartussaasunit, suliffeqarfinnit innuttaasunillu. Taamaattumik tunngaviusumik paasissutissanut programi pilersinneqarpoq.

 

Tunngaviusumik paasissutissat tassaapput...

 

  • Pisortanit pigineqartut
  • Oqartussaasunit allaffissornikkut aqunneqartut
  • Ajornanngitsumik pissarsiarineqarsinnaasut
  • Eqqortut/Pisortaneersut
  • Tunngaviusumik paasissutissat Kalaallit Nunaanni toqqorsimasuutigineqarput  

 


Programmimi makku isiginiarneqarput:

 

  • Tunngaviusumik paasissutissatigut aningaasartuutit
  • Tunngaviusumik paasissutissat pissarsiariuminarnerat
  • Tunngaviusumik paasissutissat pitsaassusii
  • Tunngaviusumik paasissutissat ataqatigiinnerat
  • Tunngaviusumik paasissutissanik aqutsineq
Titartagartami pisortat tunngaviusumik
paasissutissaataat akornanni ataqatigiinnerat
ersersinneqarpoq:



           (Allisinniarlugu tooruk)


Tunngaviusumik paasissutissanut programmimi paasissutissat ataqatigiinnerat assigiinneral-lu qulakkeerneqassapput

Tunngaviusumik paasissutissanut programikkut siunertaavoq tunngaviusumik paasissutissat ataqati-giissarnissaat nutartertarnissaat atorneqarnissaallu. Paasissutissat pissarsiariuminassapput oqartus-saaffeqarfiit immikkoortortaqarfiillu akimorlugit atorneqarsinnaassallutik. Tunngaviusumik paasis-sutissat aamma akeqassanngillat oqartussaqarfiillu assigiinngitsut paasissutissanik assigiinnik ta-marmik immikkut nutarterisarunnaassapput.

Tunngaviusumik paasissutissanut programmeqarnikkut innuttaasut suliffeqarfiillu oqartussaqarfin-nut assigiinngitsunut paasissutissanik assigiinnik tunniussisarunnaassapput, oqartussaqarfiillu sulia-nik suliaqarnerminni paasissutissanik nutaanngitsunik atuinissaminnut aarlerissuteqassanngillat. Taassuma saniatigut suliffeqarfiit namminersortut pisortat tunngaviusumik paasissutissaataannik atuisinnaalissapput, taamaalillutik  nutaanik digitaliusunik aaqqiissuteqarsinnaalissapput.

 

Pisortat tunngaviusumik paasissutissat pitsaanerusut suleqatigiissutigissavaat

Sunniuteqarluartumik pisariillisaaneq, assigiissaarineq ajornanngitsumillu paasissutissanik pissar-siaqarsinnaaneq anguniarlugu naalakkersuisut, kommunit kattuffiat Danmarkimilu nunat immik-koortui tunngaviusumik paasissutissat pillugit isumaqatigiissuteqarsimapput, pisortat paasissutissaa-taasa pitsanngorsarnissaannut pisortat qanoq suleqatigiinnissaannut aalajangersaasumik.

Suleqatigiinnerup ilaatigut kinguneranik ataatsimut paasissutissat ilusissalerneqarput ataatsimullu paasissutissanik agguaasartoqalerluni taamaaliornikkut pisortat namminersortullu tunngaviusumik paasissutissanik atuisut isumannaatsumik aalaakkaasumillu siammarteriffigineqarsinnaanerat qulak-keerniarneqarpoq.

Tunngaviusumik paasissutissat pillugit suleqatigiinneq 2012-imi aallartinneqarpoq suliniutillu isu-maqatigiissutigineqartut 2017-imi tamakkiisumik atuutilersissimanissaat naatsorsuutigineqarluni. Suliaq pisortani annertuumik allanngortiterinermik kinguneqarpoq sulisullu amerlasuut peqataallu-tik, Digitalimik Sullissinermut Aqutsisoqarfik tunngaviusumik paasissutissanut allattoqarfik aqquti-galugu suliamik ataqatigiissaarisuuvoq.

 

Tunngaviusumik paasissutissat namminersortut annertusiartortitsinissaannut naammassisa-qarsinnaassusiannullu tunngavissiivoq

Siammarterinermi ammasumik assigiimmillu suleriaaseqarneq aamma namminersortunut pingaaru-tilerujussuuvoq, pisortat tunngaviusumik paasissutissaataat atueqqinnermik isumaliutinut nammi-nersortut atorsinnaammatigit. Ilaatigut suliffeqarfiit tunngaviusumik paasissutissat taakku suliner-minni atortaramikkit ilaatigullu pisortat paasissutissaataat pillugit paasissutissat aaqqiissutinik digi-taliusunik nutaarluinnarnik nioqquteqarnermi atorneqarsinnaammata. Tamanit atorneqarsinnaanerat naatsumik oqaatigalugu annertusaanermut, naammassisaqarsinnaassutsimut, nutaaliornermut taama-tullu suliffinnik nutaanik pilersitsinermut tunngavissiivoq.

Tunngaviusumik paasissutissat tamanit atorneqarsinnaasunngortinneqarnerat ajunngitsumik sunniu-teqartoq namminersortuni takuneqarsinnaalereerpoq. Tunngaviusumik paasissutissat niuernermi tunngavigalugit suliffeqarfiit nutaat aallartissimalerput suliffeqarfiillu pioreersut sulisussanik nutaa-nik pissarsiorlutik.

Pisortat ataatsimut digitalinngortitsinermut periusissiaanni tunngaviusumik paasissutissat immikkut isiginiarneqarput. Tunngaviusumik paasissutissanut programmi pillugu oqartussaqarfinnut tamanut Digitalinngortitsinermut periusissiami ataatsimut tunngaviusumik paasissutissanut suliniutit ataanni atuarsinnaavutit.