Tunngaviusumik paasissutissat

Naalakkersuisut digitalinngortitsinissamik periusissiaat ”Digitalinngortitsineq ingerlatitsissutaasutut” tunngaviusumik paasissutissat nutarterneqarnissaasa suliniutigineqarnissaannik imaqarpoq, taamaattumillu programimik pilersitsisoqarpoq taaguuteqartumik "Tunngaviusumik paasissutissat ataatsimoorussat pitsaasut – pisariillisaanermut ineriartortitsinermullu atortussiaq".

Tunngaviusumik paasissutissanut programip siunertaraa pisortat tunngaviusumik paasissutissaataasa atorneqarnerisa pisariillisarneqarnissaat qulakkiissallugu, pitsaassusaasa pitsanngorsarnerisigut, killeqanngitsumik pissarsisinnaanikkut aamma paasissutissanik ataatsimoorussamik siammarterisinnaaneq aqqutigalugu. Pisortat paasissutissaataasa pitsaanerusumik atorneqarneri pisortani pisariillisaanissamut aqqutissaavoq, kiisalu innuttaasunik suliffeqarfinnillu sullissinermik pitsanngoriartitsissalluni.
Tunngaviusumik paasissutissanik pisortat nalunaarsuiffiinik iluarsaassinikkut, ilutigitillugulu  paasissutissat taakku pisortanit, suliffeqarfinnit innuttaasuniillu killeqanngitsumik pissarsirineqarsinnaanngortinnerisigut arlariiaanik nalunaarsuinerit ikinnerusut, nalunaarsuiffinnik immikkut ingerlataqarnerit aammalu allaffissornikkut aningaasartuutikillisaanerit pisortani annikinngitsumik ukiumut aningaasatigut iluanaarutaalissapput.
Taamaaliornikkut suliffeqarfiit innuttaasullu aamma paasissutissanik assigiinnik  arlaleriarlutik pisortanut tunniussisarunnaassapput. Aammattaaq pisortat tunngaviusumik paasissutissaataannut pitsaalluinnartunut killeqanngitsumik pissarsisinnaaneq namminersorlutik inuussutissarsiutilinnut ileqqaartitsillutillu annertusaanissamut, nutaaliornissamullu periarfissagissaartitsinerussapput.

 

Tunngaviusumik paasissutissanut programimik anguniarneqartoq

Tunngaviusumik paasissutissat ataatsimoorussat pitsaasut
– pisariillisaanissamut inerisaanissamullu aqqutissaq
Tunngaviusumik paasissutissanut programip qulakkiissavai tunngaviusumik paasissutissat eqqortuunissaat, sumiiffimmi ataatsimi nutarterneqartarlutillu tamanit atorneqartut. Tunngaviusumik paasissutissat pisariitsumik qularnaatsumillu pisortanut suliffeqarfinnullu siammarterneqartassapput. Tunngaviusumik paasissutissanut programi taamaalilluni pisariillisaanermut, nutarsaanermut aammalu pisortani sullissinerup pitsaanerulernissaanut, kiisalu namminersorlutik inuussutissarsiutillit annertusaanissaannut naammassisaqarsinnaassusaannullu pitsanngorsaanissamut ilapittuutaassaaq.

Tunngaviusumik paasissutissaq sunaava?


Inunnut paasissutissat pillugit inatsit
Webseminari takuuk