Inuussutissarsiornermut nittartagaq - Businessingreenland.gl

Nittartagaq nutaaq inuussutissarsiutinik ingerlatalinnut tunngatitaq maanna piareerpoq

Imminut sullissinnaanermut periarfissiissutit amerlanerusut, aamma ilisimasaqarnerulernissamut aqqutissat nunami suliffeqarfiit ineriartortsinissamik ingerlatsinissamillu aallussinissaannut pingaaruteqarluinnarput.

Ilutigitillugu nunani allani suliffeqarfiit aningaasaliisartullu pisortani saaffigisassat eqqortut saaffiginissaannut paasissutissanik pissarserusuttarnerat annertunerujartuinnartumik sumi tamaani misigineqarpoq.
Pisariaqartitat taakkorpiaat ikiorsiiviginiarlugit inuussutissarsiornermut nittartagaq nutaaq  www.businessingreenland.gl siunertaqarpoq. 
 

Kalaallit Nunaanni pisortanut isaaffik ataaseq
Innuttaasunik sullissiviup kiffartuussineratut inuussutissarsiornermut nittartakkap nunami suliffeqarfiit aamma inuussutissarsiutinik ingerlatallit ataatsimik isaaffeqarnissaannik neqeroorfigissavai.

Nittartagaq paasissutissanik innersuussutinillu arlalissuarnik maanna imaqareerpoq. Taakku saniatigut imminut sullinnissamut periarfissat siulliit atuutilereerput – imminut sullinnissamut periarfissat amerlanerusut piffissami aggersumi pilersiortorneqassapput.