Inuussutissarsiutinut nittartagaq

Inuussutissarsiortut nittartagaq isertarfiat ilaatigut pisortat neqeroorutaannut, paasissutissanut inatsisinullu attuumassuteqartunut, qinnuteqarnermi immersugassanut kiisalu pisortanut oqartussanut nalunaarnernut nalunaarusiornernullu ajornanngitsumik iserfiussaaq.

Nunatsinni inuussutissarsiortunut, aallarnisaasunut aamma nunani allani aningaasaliisartunut Namminersorlutik Oqartussat paasissutissaataannut ataatsimoortumik isertarfik. Anguniagaq tassaavoq Inuussutissarsiortunut nittartakkap pisortanut naleqqiullugu inuussutissarsiortut allaffissornikkut nammatassaannik tapersersuineq oqinnerulersitsinerlu – kiisalu inuussutissarsiornermut tunngasunik pisortani sammisanut naleqqiullugu inuussutissarsiortut pitsaanerusumik paasisaqarsinnaallutik. Inuussutissarsiortunut nittartakkap aamma pisortani digitalinngortitsinermik sulineq tapersersussavaa, taamaalilluni nammineq sullissinermi aaqqissuussinerit amerliartuinnartut atorneqarsinnaalerlutik.

Ingerlatsinerup killiffia: Ingerlatsinermik aallartitsineq

Suliniummut killiliussaq: 2014

Suliniummik piginnittoq: Inuussutissarsiornermut, Aatsitassaqarnermut Suliffeqarnermullu Naalakkersuisoqarfik

Aqutsisoqatigiit:

  • Tina Jensen, Inuussutissarsiorneq (Siulittaasoq)
  • Pisiortortarnermut ineqartitsigallartarnermullu allaffeqarfik
  • Piniarnermut, Aalisarnermut Nunalerinermullu Naalakkersuisoqarfik
  • Akileraartarnermut Aqutsisoqarfik
  • Digitalinngortitsinermut Aqutsisoqarfik