Peqqissuseq pillugu isaavik

Peqqinnissamut isaavimmik peqqik gl-imik ineriartortitsineq nittarsaassinerlu Kalaallit Nunaata ukiunut 2011-2015 PAT-mi periusissiaani suliassaqarfiuvoq.

"Pinaveersaartitsineq, inuiaqatigiit peqqissuunerat imminullu paarineq netportal aqqutigalugu siuarsarneqassaaq, taanna peqqissuseq nappaatillu pillugit kalaallisut qallunaatullu paasissutissanik innuttaasunut/napparsimasunut toqqassallugu pissusissamisuuginnassaaq".

Maannakkumut peqqinnissamut isaavik - peqqik.gl - paasissutissiinikkut aallariarfiusut nutaaliat piumasaqaataannut naapertuutinngilaq.  Taamaattumik peqqik.gl teknikkikkut atortutigut tunngavik nutaaq atorlugu pilersinneqarpoq, CMS-imik aaqqiissuteqarneq atorlugu nutarterneqaatigaluni ullutsinnut naleqqussarneqarluni aammalu atuisunut atoruminarnerusumik aamma isumaq "toqqissisimanartoq" aallaavigalugu ilusilersugaasoq. Tassunga ilutigitillugu ilusilersugaanera torrallataassaaq, uppernaatigaluni najoruminarluni.  Isaavik ilusilersugaanermigut atuisut ikiorneqarnissamik imaluunniit pisunut aalajangersimasunut paasissutissanik ujartuitillutik pisariaqartitaannut annertuumik sammitinneqarpoq.

Ingerlatsinerup killiffia: Ingerlatsinermik aallartitsineq.

Suliniummut killiliussaq: Marts 2014.

Suliniummik piginnittoq: Peqqissutsimut Attaveqarnermullu Naalakkersuisoqarfik.

Aqutsisoqatigiit:

  • Peqqissutsimut Immikkoortortaqarfik
  • Peqqissutsimut Pinaveersaartitsinermullu Aqutsisoqarfik, Peqqik
  • Kanukoka
  • Digitalinngortitsinermut Aqutsisoqarfik
  • 1508 (pilersuisoq)